عالىمدار: ۇيقى الدىندا تاماق جەۋ جۇرەك اۋرۋلارىنا شالدىقتىرادى
وسى جولى عالىمدار حالىققا سوزدەرىن دالەلدەۋ ءۇشىن تاجىريبە جاساپتى.
ۇيقى الدىندا جەلىنگەن اس ارتىق سالماققا اكەلىپ قانا قويماي، قانت ديابەتى مەن جۇرەك اۋرۋلارىنا شالدىقتىرادى. Experimental Physiology جۋرنالىنىڭ حابارلاۋىنشا، بۇل تۇجىرىمدى مەكسيكا ۋنيۆەرسيتەتىنىڭ عالىمدارى جاساعان.
زەرتتەۋ بارىسىندا عالىمدار قان قۇرامىندا تريگليتسەريدى بار كورتىشقانداردى الىپ ولاردى ءارتۇرلى ۋاقىتتا تاماقتاندىرعان. ءبىرىن - ۋاقىتىلى تاماقتاندىرسا، ەكىنشىسىن - ۇيقى الدىندا تاماقتاندىرعان.
ناتيجەسىندە، ەكىنشى توپتاعىلاردىڭ قانىنداعى تريگليتسەريد كولەمىنىڭ وسكەنىن بايقاعان. بۇل ءوز كەزەگىندە، قانت ديابەتى مەن جۇرەك اۋرۋلارىنىنىڭ پايدا بولۋ قاۋپىن ارتتىرادى.
