زاماناۋي حانشايىمدار قالاي ءومىر سۇرەدى - فوتو
ساۋد ارابياسىنىڭ استاناسى ەر- ريادتا دينانىڭ ءوز دۇكەنى بار. ول - سۇيىكتى جار، ءۇش بالانىڭ اناسى. بۇل رەتتە زاماناۋي حانشايىمنىڭ سالتاناتتى ومىرىنەن دەرەكتەر ۇسىنامىز.
شىعىس حانشايىمى داڭقتى تەگىمەن عانا ەمەس، ءمىنسىز ستيلىمەن كوپشىلىككە تانىمال. ول قىمبات كيىمدەر كيىپ، ايگىلى برەندتەردىڭ اكسەسساۋارلارىن عانا الادى.
2006 -جىلى دينا ەر- رياد قالاسىندا ەكسكليۋزيۆتى ءساندى كيىمدەر ساتىلاتىن دۇكەن اشقان. دۇكەنگە حانشايىمنان شاقىرتۋ العان جاندار عانا كىرە الادى.
شىعىس حانشايىمى ءوز دۇكەنى ءۇشىن تەك مۇسىلمان ايەلدەردىڭ مادەنيەتىنە ساي كيىمدەر تاڭداپ الادى.
مىسالى سانگەر Diane Von Furstenberg-تىڭ كويلەگى دينانىڭ كيىم دۇكەنى ءۇشىن ارنايى وزگەرتىلگەن. تىزەدەن كەلەتىن قىسقا كويلەكتىڭ ۇزىندىعى توبىققا جەتەتىندەي ەتىپ قايتا ويلاستىرىلعان.
كوپتەگەن سانگەرلەر شىعىس حانشايىمىنىڭ تابىنۋشىسى بولىپ تابىلادى. دينانىڭ توي كويلەگىن دارىندى سانگەرلەردىڭ ءبىرى Azzedine Alaدa تىككەن.
كريستيان لابۋتەن دينانىڭ قۇرمەتىنە ءوزى شىعاراتىن تۋفليلەردىڭ بىرىنە شىعىس حانشايىمىنىڭ ەسىمىن بەرگەن.
حانشايىمنىڭ سۇيىكتى اكسەسسۋارلارى - Charlotte Olympia ۇسىناتىن كىتاپ- سومكە.
دينا ساۋدتىق حانزادا ءابدۋلازيز بين ناسىر بين ءابدۋلازيز ءال ساۋدقا تۇرمىسقا شىققان.
ەرلى-زايىپتىلاردىڭ ءبىر قىزى مەن ەگىز ۇلدارى بار.
دينانىڭ وتانىندا قوعامدىق ورىنداردا مۇنداي كيىممەن جۇرگەن ايەلدەر جازاعا تارتىلادى.
دەسە دە كەي ساۋدتىقتار زاڭدى ەلەي بەرمەيدى.
