وڭتۇستىك قازاقستاننىڭ اكىمى بوكس ساڭلاقتارىمەن كەزدەستى

ولاردىڭ قاتارىندا ق ر بوكس فەدەراتسياسىنىڭ ۆيتسە-پرەزيدەنتى يۋري سحاي، بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ، ق ر ەڭبەگى سىڭگەن سپورت شەبەرلەرى ءارى وليمپيادا چەمپيوندارى سەرىك ساپيەۆ جانە باقتيار ارتايەۆ، سونداي-اق دانيار ەلەۋسىنوۆ، بوكستان الەم چەمپيوندارى ءبىرجان جاقىپوۆ پەن قايرات ەراليەۆتەر بار، دەپ حابارلايدى وڭتۇستىك قازاقستان وبلىسى اكىمدىگىنىڭ باسپا ءسوز قىزمەتى.

كەزدەسۋدە وبلىس باسشىسى ارنايى كەلگەن قوناقتارعا العىس ءبىلدىرىپ، ءبىر مەزەتتە ءۇش بىردەي وليمپيادا چەمپيونىنىڭ وڭىرگە العاش رەت كەلىپ جاتقاندىعىن اتاپ ءوتتى. سونىمەن قاتار، وبلىس اكىمى ءوڭىردىڭ سپورت سالاسى قارقىندى دامىپ كەلە جاتقاندىعىن ايتتى.

«ەلباسىمىز «سپورت - ەلدىڭ مەرەيىن اسىرىپ، ابىرويىن اسقاقتاتىن سالا. بۇل تۇرعىدا سپورتشىلارىمىز كوك تۋىمىزدى جەلبىرەتىپ كەلەدى» دەگەن بولاتىن. وڭتۇستىككە سەرىك قوناقبايەۆتاي ماقتانىشىمىزدى باپتاعان يۋري اندرەيەۆيچتىڭ، بۇدان بولەك وليمپيادا چەمپيوندارىنىڭ كەلگەنى ابىروي. ءبىز وبلىسىمىزدا سپورتقا ەرەكشە ءمان بەرۋدەمىز. ايتا كەتەرلىگى، ءبىزدىڭ وڭىردە 43 سپورت مەكتەبى بار. ەلدىڭ ابىرويىن كوتەرۋ ءۇشىن سپورتشىلارىمىزعا بارلىق جاعدايدى جاساۋىمىز كەرەك»، - دەدى جانسەيىت قانسەيىت ۇلى.

ءوز كەزەگىندە ءسوز العان ۇلتتىق قۇرامانىڭ باس باپكەرى مىرزاعالي ايتجانوۆ وبلىسىمىزدىڭ سپورتى قارقىندى دامىپ جاتقاندىعىن، ونىڭ ىشىندە بوكستىڭ جوعارى دەڭگەيدە ەكەندىگىن اتاپ ءوتتى.

«بوكستان ءبىزدىڭ وڭىردە بيىل ەكىنشى الەم چەمپيونى شىقتى. ۇلتتىق قۇرامادا ءبىزدىڭ سپورتشىلار كوپ. الداعى وليمپيادادا وڭتۇستىك وڭىرىنەن چەمپيون شىعاتىنىنا سەنەمىن. سول ءۇشىن جۇمىس جاسايمىز»، - دەدى مىرزاعالي ايتجانوۆ.

كەزدەسۋگە كەلگەن ەل ماقتانىشتارى بولاشاقتا وڭتۇستىككە ارنايى كەلىپ، «ماستەر كلاسس»(شەبەرلىك ساعاتىن - رەد.) وتكىزىپ تۇراتىندارىن جەتكىزدى. شارا سوڭىندا وبلىس باسشىسى قوناقتارعا تابىس تىلەپ، ەستەلىك سىيلىق جاسادى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى