ەرتىس وزەنى فينليانديادان جەتكىزىلگەن قۇرىلعىمەن تازارتىلىپ جاتىر
رەسەيدەن قازاقستانعا اعاش جەتكىزىلەدى. سوڭعى ەكى جىلدا وزەن ارقىلى جۇك تاسۋ كولەمى ەكى ەسەگە وسكەن. الايدا سۋدىڭ تايازدىعى ۇلكەن كەمەلەردىڭ ەركىن جۇرۋىنە كەدەرگى. سوندىقتان پاۆلوداردىڭ «وزەن پورتى» سوڭعى جىلدارى وزەندى تازالاۋ جۇمىستارىن تۇراقتى تۇردە جۇرگىزىپ كەلەدى.
تاياۋدا جاڭا قۇرالعا قول جەتكىزدى. ەندى جۇمىس قارقىنى ارتا تۇسپەك. جىلدان جىلعا لاستانىپ بارا جاتقان ەرتىس وزەنىن تازارتۋعا امبەباپ كەشەننىڭ كومەگى زور بولماق. زەمسنارياد گيدروتەحنيكالىق جۇمىستاردىڭ كەڭ ءتۇرىن اتقارادى. ول وزەن ارناسىن كەڭەيتىپ، ءتۇبىن تەرەڭدەتەدى جانە بالدىرلاردان تازارتادى. ەڭ باستىسى، ماماندار ونىڭ قورشاعان ورتاعا ەش زيانى جوق دەپ وتىر.
يۋريي گۋسارەنكو، زەمسناريادتىڭ كومانديرى:
- «كلاسسيك 4» دەپ اتالاتىن بۇرىنعى ۇلگىنىڭ قۋاتتىلىعى ساعاتىنا 550-600 تەكشە مەتر بولاتىن. ال مىنا تەحنيكانىڭ ونىمدىلىگى ساعاتىنا 1000 تەكشە مەتردى قۇرايدى. ەندى وزەننىڭ ءتۇبىن تەرەڭدەتۋ مەن تازارتۋ جۇمىستارىنىڭ قارقىنى ەكى ەسەگە ارتادى.
جاڭا زەمسنارياد فينليانديادان جەتكىزىلدى. سول ەلدەن كەلگەن نۇسقاۋشى گارري تاينيو جەرگىلىكتى ماماندارعا جاڭا تەحنيكانىڭ قىر- سىرىن ۇيرەتەدى. قۇنى قىمباتقا تۇسكەنىمەن، امبەباپ كەشەننىڭ تيىمدىلىگى جوعارى.
گارري تاينيو، نۇسقاۋشى:
- مەن زەمسناريادتاردىڭ سانى وسكەنىنە قۋانامىن. بۇل وزەندى تازارتۋ جۇمىسىنىڭ ۇزدىكسىز ءجۇرىپ جاتقانىن كورسەتەدى. قازاقستان وسى دەڭگەيدە جۇمىستى جالعاستىرا بەرسە ەكەن دەيمىن. جۋىق بولاشاقتا وزەن جولدارىنىڭ اياسى كەڭەيە تۇسەتىنىنە سەنەمىن.
پاۆلوداردىڭ «وزەن پورتى» اعىمداعى جىلى ەرتىس ارقىلى ەكى ميلليون تونناعا جۋىق جۇك تاسىمالداعان. ونىڭ كولەمىن ارتتىرۋعا بولار ەدى. ءبىراق ءىرى جۇك كەمەلەرى تاياز سۋدا جۇرە المايدى. بۇل ماسەلە 2012 -جىلى پاۆلوداردا وتكەن قازاقستان مەن رەسەي شەكارارالىق ىنتىماقتاستىق فورۋمىندا كوتەرىلىپ، سۋ جولدارىن دامىتۋ تۋرالى كەلىسىم جاسالعان ەدى. ءبىراق كورشى مەملەكەت اسىعاتىن ەمەس.
تولەگەن كۇلجانوۆ، «پاۆلودار وزەن پورتى» ا ق باسقارما ءتوراعاسىنىڭ ورىنباسارى:
- پاۆلودار وزەن پورتى ۇلكەن جۇمىستارعا قاتىسىپ وتىر. ءبىز 20 جوبا جۇرگىزدىك. ولار - ەرتىس وزەنىن تازالاۋ، ونىڭ ساعالارىن تازالاۋ. جايىق وزەنىن دە، مىناۋ ءبىزدىڭ كىشكەنتاي ۋسولكا دەگەن وزەنىمىز بار سونى تازالاۋدا. بەس جىلدا قازاقستاننىڭ 250 شاقىرىمداي وزەندەرى تازارتىلىپ، تەرەڭدەتىلگەن. بۇل جۇمىستار كەمە جولدارىن دامىتۋعا از دا بولسا، ۇلەسىن قوسىپ وتىر.
www.24.kz
