قوستانايلىقتار قازاقتىڭ العاشقى ايەل تراكتورشىسىمەن قوشتاستى
قوشتاسۋ ءراسىمى بۇگىن وبلىستىق مەشىتتە ءوتتى. وعان وبلىس اكىمى ارحيمەد مۇحامبەتوۆ، وبلىستىق ارداگەرلەر كەڭەسىنىڭ ءتوراعاسى كەنجەبەك ۋكين، قوعامدىق ساياسي قايراتكەرلەر، مادەنيەت وكىلدەرى قاتىستى. ارحيمەد مۇحامبەتوۆ ەلباسىنىڭ كامشات دونەنبايەۆانىڭ جاقىندارىنا كوڭىل ايتۋ جەدەلحاتىن وقىپ بەردى. وبلىستىق ارداگەرلەر كەڭەسىنىڭ ءتوراعاسى كەنجەبەك ۇكى ۇلى تىڭ ارداگەرىنىڭ ەلىمىزدىڭ ءوسىپ- وركەندەۋىنە ءوز ۇلەسىن قوسقانىن ايتتى.
«قازاقتىڭ باتىر قىزىن شىعارىپ سالۋعا كەلگەن مىنا 300 ادامنىڭ كوڭىلى قۇلازىپ تۇرعانى راس. كامشات بايعازى قىزى ك س ر و جوعارى كەڭەسىنىڭ دەپۋتاتى بولدى. ونىڭ كرەملدە جەكە كابينەتى بولعانىن ءبىرى بىلسە، ءبىرى بىلمەس. بۇل تۋرالى ماقتانىپ ايتقان ەمەس. ول كىسى ءاردايىم سابىرلى، بارلىعىن اقىلمەن شەشەتىن ەدى» ، - دەدى ۋكين.
قوشتاسۋ راسىمىنە كەلگەن كىسىلەر قوستاناي وبلىسى قۇرمەتتى ازاماتىنىڭ كەيىنگى ۇرپاققا قالدىرعان ونەگەلى ىستەرى تۋرالى ءسوز قوزعادى. كامشات دونەنبايەۆانىڭ ارتىندا 4 بالاسى، 16 نەمەرەسى، 2 شوبەرەسى قالدى.
اۆتور: باتىر جولاي ۇلى
