عالىمدار مونشاعا ءجيى ءتۇسۋدىڭ دەنساۋلىققا اسەرى تۋرالى ايتتى

 شىعىس فينليانديا ۋنيۆەرسيتەتى مەديكتەرى وزدەرى جۇرگىزگەن زەرتتەۋدەن وسىنداي قورىتىندى شىعاردى. زەرتتەۋ ناتيجەسى The Conversation عىلىمي باسىلىمىنا جاريالانعان. ول تۋرالى ريا نوۆوستي قىسقاشا باياندايدى.

فينليانديا مەن ۇلىبريتانيانىڭ ءبىر توپ عالىمى 1620 ەر ادامنىڭ دەنساۋلىعىن 24  جىل بويى باقىلاعان. ناتيجەدە مەديكتەر اپتاسىنا 4-7 رەت ساۋناعا بارۋ قان قىسىمى جوعارىلاۋ  قاۋپىن% 50 تومەندەتەدى دەگەن قورىتىندىعا كەلدى. ولاردىڭ ايتۋىنشا، مۇنىڭ سەبەبى مىنادا: ىستىق تەمپەراتۋرا جۇرەك قاعىسىن جيىلەتىپ، تەرىدەگى قان تامىرلارىن كەڭەيتەدى. بۇل قان اينالىمىن جاقسارتادى.

سونىمەن قاتار زەرتتەۋ پنيەۆمونيا جانە باسقا دا تىنىس جولدارى اۋرۋلارىنا شالدىعۋ ازايعانىن كورسەتكەن. ساۋنا مۇنداي اۋرۋلار  قاۋپىن نە سەبەپتى تومەندەتەتىنى ازىرگە ءدال انىقتالعان جوق، ايتسە دە عالىمداردىڭ جورامالى بويىنشا، جىلى اۋا وكپەدە سۇيىقتىق جينالۋىنا جول بەرمەيدى جانە ۆەنتيلياتسيانى جاقسارتادى.

ايتا كەتەتىن نارسە، وسىعان ۇقساس زەرتتەۋ قورىتىندىسى 2015 -جىلى دا جاريالانعان. ول كەزدە عالىمدار 2300 ەر ادامنىڭ دەنساۋلىعىن 25  جىل بويى قاداعالاعان بولاتىن. ناتيجەدە ساۋنانى جاقسى كورەتىندەر ينسۋلت جانە جۇرەك- قان تامىرلارى اۋرۋلارىنا، كەيىن پايدا بولاتىن جارىمەستىككە الدەقايدا از شالدىعاتىنى جانە ۇزاعىراق ءومىر سۇرەتىنى دالەلدەنگەن.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى