مەيرامبەك بەسپايەۆ: ارمانىمنىڭ ورتاسىنا دا جەتكەن جوقپىن

مەيرامبەكتى قولداپ، قولپاشتاپ كەلگەن كورەرمەننىڭ كوپتىگى سونشالىقتى، زالعا سىيماي قالدى. بۇل تۋرالى 31 - ارنا حابارلايدى.

 كونسەرتتە ءانشى «40 دەگەن» ، «ەلگە سالەم» ، «ۇمىتتىم ونى» ، «ويلان بالام» اتتى جاڭا اندەر ورىنداپ قانا قويماي، وننان استام انشىمەن دۋەتكە شىقتى. سولاردىڭ ىشىندە حيت ءانشى قايرات نۇرتاسپەن «ماحاببات دەگەن» ءاننىڭ تۇساۋىن كەسسە...

 ال ءبىر كۇندە تۋعان كۇندەرى سايكەس كەلگەن سايات مەدەۋوۆپەن «تۋعان كۇن» ءانىن شىرقادى.

قوڭىر داۋىسىمەن قازاقتىڭ جۇرەگىن جاۋلاعان مەيرامبەكتى حالقى ەركەلەتىپ «ەسترادا كورولى» دەپ اتاپ كەتكەن. الايدا، مۇنداي اتاققا ءانشىنىڭ قۇلاعى دا، ەتى دە ۇيرەنبەپتى.

 ««ەسترادا كورولى» دەگەن اڭگىمەنى اركىمگە ءارتۇرلى لاقاپ اتتار قويىلادى عوي، ماعان مەيرامبەك دەگەن ات جەتەدى. بالا كەزىمدە «قارا بالا» ، «بوزتورعاي» دەۋشى ەدى. ءبىراق اسىرا سىلتەپ ماقتاپ جىبەرگەن سياقتى. بۇل زامانعا دا ساي اتتار تابۋعا بولادى. مەن بىرەۋدىڭ الدىنا شىقتىم، وزا شاپتىم دەپ ايتۋدان باس تارتامىن» ، -  دەيدى قازاقستاننىڭ ەڭبەك سىڭىرگەن قايراتكەرى مەيرامبەك بەسپايەۆ.

جاقىندا مەيرامبەك 41 جاسقا تولعان تۋعان كۇنىن دۇركىرەتىپ اتاپ وتكەن بولاتىن. تۋعان كۇنىندە جارى ەرەكشە سىي جاسادى. ونى ءانشىنىڭ ءوزى ينستاگرام پاراقشاسىندا ءبولىستى. مارحابات مەيرامبەككە دەگەن سەزىمىن 50 گە ءبولىپ حات ارقىلى جەتكىزىپتى. سولاردىڭ ىشىندە ەڭ ۇناعانى ءبىر ءسوز ەكەن.

«ءبارى ۇنادى. «مەن سەنى سۇيەمىن» دەگەنى» ، - دەيدى ءانشى.

وسىلايشا، تۋعان كۇنىن ەستە قالارلىقتاي ەتىپ وتكىزگەن ءانشى، ەسەپ بەرۋ كەشىن دە ۇمىتىلماستاي قىلۋعا تىرىسقان. مەيرامبەكتىڭ ەندىگى ويى «وتتى اندەر» ايتۋ ەكەن.

 «مەن ويلايمىن ورتاسىنا دا جەتكەن جوقپىن. ءوزىمنىڭ ارمانىمنىڭ. جالپى ساحنادا ونەر الەمىندە. ءبىرتالاي قىزمەت جاساعىم كەلەدى. ەلگە، جەرگە كوڭىلىنەن شىعاتىن اندەر ورىنداعىم كەلەدى. تاربيەسى، ءمانى بار. وتتى ولەڭدەر ايتقىم كەلەدى. ليريكانى، ايتقىم كەلەدى، ماحابباتتى جىرلاعىم كەلەدى. مەن ءالى ورتاسىنا دا جەتكەن جوقپىن دەپ، ويلايمىن» ، -  دەيدى مەيرامبەك بەسپايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى