ارالاس جەكپە- جەك: قازاق جىگىتى تاعى ءبىر برازيليالىقتى ساباپ تاستادى

 «ماتچ ت ۆ» تەلەارناسىنان تىكەلەي ەفيردە كورسەتكەنىندەي، وسى جەكپە- جەككە جاقسى دايىندالعان 26 جاسار دامير 31 جاستاعى قارسىلاسىنان مىقتى ەكەندىگىن تانىتتى. ءسويتىپ ول تورەشىلەردىڭ ءبىراۋىز شەشىمىمەن كاسىپقوي جەكپە- جەكتەگى 13- جەڭىسىنە قول جەتكىزدى. ال وسىعان دەيىن 13 جەكپە- جەك وتكىزگەن برازيليالىق سپورتشىنىڭ بۇل ءۇشىنشى جەڭىلىسى ەدى. جەكپە- جەك سوڭىنداعى سۇحباتىندا دامير يسماعۇلوۆ ءوزىنىڭ ۇرىسىنا اكەسىنىڭ تۇڭعىش رەت ارنايى كەلىپ، تاماشالاعاندىعىن ايتىپ، جەڭىسىن وتباسىنا ارنايتىنىن، بارلىق قولداۋشىلارىنا، سونىڭ ىشىندە قازاقستاندىق اعايىن- باۋىرلارىنا العىسىن جەتكىزدى. ايتا كەتەيىك، بيىلعى 26 -مامىردا ورىنبوردا وتكەن M-1 Challenge 78 تۋرنيرىندە د. يسماعۇلوۆ جەڭىل سالماقتا تاعى ءبىر رەسەيلىك ماكسيم ءديۆنيچتى ۇتىپ، جەڭىمپاز اتانعان بولاتىن. سول جەڭىسىنەن كەيىن دامير: «ەگەر 60 اق اۋلاسى بار، عالامتورى جوق اۋىلدان شىققان قاراپايىم جىگىت م-1 بويىنشا الەم چەمپيونى بەلبەۋىن جەڭىپ السا، وندا بۇل سىزدەردىڭ دە قولدارىڭىزدان كەلەدى. ءبىزدىڭ بۇل ورتاق جەڭىسىمىز جاس ۇرپاق ءۇشىن ۇلگى بولسىن» ، - دەگەن ەدى.

 اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى