ونەرتاپقىشتاردى بيزنەس قاۋىمداستىقپەن بايلانىستىرۋ كەرەك - باقىتجان جۇماعۇلوۆ

  بۇگىن الماتىدا ۇلتتىق ينجەنەرلىك اكادەمياسىنىڭ جالپى سەسسياسى ءوتىپ، 2016-2017 -جىلدارى اتقارىلعان جۇمىستاردىڭ قورىتىندىسى شىعارىلدى. سونداي- اق، سەسسيا وتىرىسىندا ينجەنەر ماماندىعىن ناسيحاتتاۋ، ماماندىق يەلەرىنىڭ كاسىبي شەبەرلىگىن ارتتىرۋ ماقساتىندا ۇيىمداستىرىلعان «2017 -جىلدىڭ ۇزدىك ينجەنەرى» بايقاۋى قورىتىندىلاندى.

جيىندا بايانداما جاساعان ق ر ۇلتتىق ينجەنەرلىك اكادەمياسى پرەزيدەنتى باقىتجان جۇماعۇلوۆ استانادا وتكەن «EXPO-2017» حالىقارالىق كورمەنىڭ ماڭىزدىلىعىنا توقتالدى.

«ەكسپو-2017 كورمەسى الەمدىك ەنەرگيا جۇيەسىنىڭ دامۋىنا، ءارى جاھاندىق ەنەرگەتيكانىڭ تۇراقتى دامۋىنا ايرىقشا سەرپىن بەردى. ەلىمىزدە شاعىن جانە ورتا بيزنەستەگى 1400-دەن استام كاسىپورىن قۇنى 640 ميلليارد تەڭگە بولاتىن تاۋارلاردى جەتكىزۋگە جانە قىزمەت كورسەتۋگە تاپسىرىس الدى. تۋريستىك سەكتور جانداندى. تۋروپەراتورلاردىڭ قىزمەتىنە دەگەن سۇرانىس 2 ەسە ارتتى»، - دەدى ول.

 باقىتجان جۇماعۇلوۆ بايانداماسىندا عىلىمي ىزدەنىستەردىڭ تابىس تابۋىن قامتاماسىز ەتەتىن ينجەنەرلىك تەحنولوگيالار وفيسىن قۇرۋ قاجەتتىگىن ايتتى.

«قازىرگى ۋاقىتتتا قازاقستاندا عىلىمي ىزدەنىستەردى كوممەرتسيالاۋ جۇمىستارى ۇيىمداستىرىلىپ جاتىر، وعان لايىق زاڭنامالىق بازا دا قابىلداندى. سوندىقتان ۇلتتىق ينجەنەرلىك اكادەميا وسى جۇمىسقا بەلسەندى ارالاسىپ، ءوز قۇرىلىمىنان ينجەنەرلىك تەحنولوگيا ءوفيسىن اشۋ قاجەت»، - دەدى ب. جۇماعۇلوۆ.

باقىتجان جۇماعۇلوۆ بايانداماسىندا ونەرتاپقىشتارعا قولداۋ كورسەتۋ كەرەك ەكەنىن باسا نازار اۋداردى.

«ءبىزدىڭ اكادەميانىڭ باستى باعىتتارىنىڭ ءبىرى ونەرتاپقىشتارعا قولداۋ كورسەتۋ بولۋى كەرەك. سوندىقتان، ءبىز «جىلدىڭ ۇزدىك ينجەنەرى» بايقاۋىن ۇيىمداستىردىق. بىزدە ونەرتاپقىشتاردىڭ جۇمىسىنا قولداۋ جوق. وسى ولقىلىقتىڭ ورنىن تولتىرىپ، قىزىقتى فورۋمدار وتكىزۋ، بيزنەس قاۋىمداستىقپەن قارىم- قاتىناس ورناتۋ ماسەلەسىن قاراستىرۋدامىز»، - دەدى عالىم.

سونىمەن، اكادەميا وتكىزگەن «جىلدىڭ ۇزدىك ينجەنەرى» بايقاۋ قورىتىندىسى بويىنشا، «First International Oil Corparation LTD» مۇناي كومپانياسىنىڭ ۆيتسە- پرەزيدەنتى نىسانباي قۋانتايەۆ، ق ر ەنەرگەتيكا مينيسترلىگى يادرولىق فيزيكا ينستيتۋتى قاتتى دەنەلەر فيزيكالىق زەرتحاناسىنىڭ مەڭگەرۋشىسى ارتەم كوزلوۆسكي، «گيدروپريبور» ع ز ي» ا ق- نىڭ باس كونسترۋكتورى الەكساندر ادىلين، «گەومارك» عىلىمي ينجەنەرلىك ورتالىعى» ج ش س باس ينجەنەرى سەرگەي اساينوۆ، «عالام» ج ش س- ءنىڭ ءبولىم باسشىسى ارمان بەكەمبايەۆ، «ۋنيۆەرسال» كومپانيالار توبىنىڭ ديرەكتورلار كەڭەسىنىڭ ءتوراعاسى زاكىرجان كۋزييەۆ، «الاتاي جارىق كومپانياسى» ا ق ديرەكتورى التاي ءابدىراحمانوۆ، «كازفوسفات» ج ش س- ءنىڭ جامبىل وبلىسى بويىنشا فيلال باسشىسى لەونيد فرانگۋليدي، م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ رەكتورى جۇماحان مىرحالىقوۆ، «قاراجامباس مۇناي» ا ق- نىڭ بۇرعىلاۋ بويىنشا گەولوگى ايدىن قوجاش «جىلدىڭ ۇزدىك ينجەنەرى» اتاندى.

سونداي- اق، بۇگىنگى سەسسيا جينالىسىندا ءبىرقاتار مامانعا «قۇرمەتتى ينجەنەر» ديپلومى تابىس ەتىلدى. قۇرمەتكە لايىق بولعان «كازفوسفات» باسقارما باسشىسى ماقسۇتبەك ەسەنوۆ جاس مامان دايىنداۋ ماسەلەسىندە ناتيجەلى جۇمىستار جۇرگىزىلىپ جاتقانىن ايتتى.

«بۇگىنگى ماراپاتتى مەنىڭ ەڭبەگىم مەن «كازفوسفات» ۇجىمىنىڭ ەڭبەگىن باعالاۋ دەپ بىلەمىن. ءبىزدىڭ كومپانيا حيميا سالاسىندا قازاقستانداعى الدىڭعى قاتارلى كومپانيالاردىڭ ءبىرى. سونىمەن قاتار، ءبىز ينجەنەر مامانداردى دايىنداۋعا دا ءوز ۇلەسىمىزدى قوسىپ كەلەمىز. ەلىمىزدەگى تەحنيكالىق جوعارعى وقۋ ورىندارىندا وقيتىن ستۋدەنتتەر بىزدە تاجىريبەدەن وتەدى. مىسالى، سوڭعى ەكى جىلدا 4 مىڭ ستۋدەنت بىزدەن تاعىلىمدامادان ءوتىپ، وندىرىسكە ارالاستى»، - دەدى «كازفوسفات» باسقارما باسشىسى ماقسۇتبەك ەسەنوۆ.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى