استانادا تۇركيانىڭ تۇڭعىش پرەزيدەنتى اتاتۇرىككە ارنالعان فوتوكورمە اشىلدى - فوتو
اتاتۇرىكتىڭ دۇنيەدەن وزعانىنا 79 جىل تولۋىنا وراي ۇيىمداستىرىلعان كورمەگە بۇعان دەيىن حالىق نازارىنا ۇسىنىلماعان 40 تان استام فوتوسۋرەت قويىلدى، دەپ حابارلايدى «قازاقپارات» ح ا ا ءتىلشىسى.
«بۇگىن ۇلى اتاتۇرىك بابامىزدىڭ كورمەسىن تاماشالاۋ مۇمكىندىگى تۋىپ وتىر. ەلباسىنىڭ ءوزى اتاتۇرىكتىڭ ارقاسىندا قازاقستان مەن تۇركيا باۋىرلاس ەلگە اينالعانىن تىلگە تيەك ەتكەن بولاتىن. سوندىقتان بۇگىندە ۇلى اتاتۇرىكتىڭ ءوزى قازاق جەرىنە كەلمەسە دە، ونىڭ كوزى وسىندا دەپ بىلەمىن. وعان ەكى ەلدىڭ قاتار تۇرعان بايراقتارى كۋا»، - دەدى ق ر پارلامەنتى ءماجىلىسىنىڭ دەپۋتاتى مۇحتار ەرمان.
سونداي- اق تۇركيانىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىك بۇگىنگى شارانىڭ ەكى ەل اراسىنداعى قارىم- قاتىناستاردىڭ جەمىسى ەكەندىگىن اتاپ ءوتتى. يۋنۋس ەمرە اتىنداعى تۇرىك مادەنيەت ورتالىعىندا ءتىل ۇيرەنىپ جۇرگەن البينا ابەنوۆا تۇركيانىڭ تۇڭعىش پرەزيدەنتىنىڭ پورترەتىن قارىنداشپەن سالىپ، قوعام جانە مەملەكەت قايراتكەرىنە دەگەن دەگەن قۇرمەتىن وسىلاي بىلدىرگەن.
البينا ابەنوۆا سۋرەتتى شارا بارىسىندا تۇركيا ەلشىسى نيەۆزات ۋيانىككە تابىس ەتتى. سونىمەن قاتار كورمەدە ءسوز العان حالىقارالىق تۇركى اكادەمياسىنىڭ پرەزيدەنتى دارحان قىدىرالى:
«بۇگىن ءبىز XXI عاسىردىڭ ۇلى تۇلعاسى - مۇستافا كەمال اتاتۇرىكتى ەسكە الۋعا جينالىپ وتىرمىز. ول تەك تۇركيا ەلىنىڭ ىرگەسىن قالاپ قانا قويماي، شىعىس حالقىنا، تۇركى دۇنيەسىنە ءۇمىت وتىن سىيلادى. لاتىن ءالىپبيىن قابىلداي وتىرىپ، تۇركىتىلدەس حالىقتارعا جاقىنداي ءتۇستى»، - دەپ اتاپ ءوتتى.
ال ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى حالىقارالىق بايلانىستار جانە يننوۆاتسيا جونىندەگى پرورەكتورى سومجۇرەك باۋبەك ەكى ەلدىڭ دوستاستىعىن نىعايتۋعا باعىتتالعان وسىنداي شارالاردى ۇيىمداستىرۋدىڭ مارتەبە ەكەندىگىن جەتكىزدى. كورمەگە كەلگەن قوناقتار حالىق نازارىنا بۇرىن- سوڭدى ۇسىنىلماعان 40 تان استام فوتوسۋرەتتى تاماشالاي الدى. شارا سوڭىندا ە ۇ ۋ ستۋدەنتتەرى اتاتۇرىككە ارناعان ولەڭ- جىرلارىن وقىدى.
