ساۋد ارابياسىندا العاش رەت حانشايىم تۇتقىنعا الىندى

 بۇعان دەيىن اقشا جىمقىردى دەگەن ايىپپەن حانشايىمنىڭ اكەسى، حالىقارالىق ينۆەستور ءالى الەمدەگى ەڭ قالتالى ازاماتتاردىڭ ءبىرى ال- ۆاليد يبن تالال يبن ابدەل- ازيز ال ساۋد قولعا تۇسكەن ەدى.

بۇل تۋرالى Arabi21 باسىلىمىنا سىلتەمە جاساپ Stan.kz حابارلايدى.

پاتشا وتباسىنىڭ قىلمىسقا ارالاسۋى تۋرالى ماقالادا تولىققاندى مالىمەت جوق. الايدا ساۋد ارابياسىندا حانشايىم مەن حانزالاردىڭ تۇتقىندالۋى جەمقورلىقپەن بايلانىستى ەكەنى اتاپ وتىلگەن.

ساۋد ارابياسىنىڭ حانشايىمدارى وزگە ەلدەردە جاۋاپقا تارتىلعان. ماسەلەن، 2013 -جىلى كاليفورنيا بيلىگى حانشايىم مەشاەل الايباندى، افريكالىق قىزداردى قۇلدىقتا ۇستاعان حانزادا ابدۋلراحمان بين- ناسەر ال- ساۋدتىڭ جۇبايىن تۇتقىنعا الدى.

سونداي- اق، بىلتىر فرانسۋز سۋرەتشىسى ارابيالىق حانشايىمنىڭ ۇستىنەن شاعىم تۇسىرگەن بولاتىن. ايتۋىنشا، حانشايىمنىڭ بۇيرىعىمەن كۇزەتشىلەر ونىڭ اياق- قولىن بايلاپ، سوققىعا جىققان، ودان كەيىن حانشايىمنىڭ اياعىن سۇيۋگە ماجبۇرلەگەن. بۇل ىستە حانشايىمنىڭ اتى- ءجونى اتالمادى، الايدا ونىڭ حاليد پاتشاعا (1975-82 -جىلدارى ەل باسقارعان) قاتىسى بار ەكەنى اتاپ ءوتىلدى.

2001 -جىلى ورلاندو قالاسىندا ساۋد ارابياسى پاتشاسى فاحدتىڭ جيەن قارىنداسى بيناح ال- سايد تۇرمەگە ءتۇستى. يندونەزيالىق ءۇي قىزمەتشىسى حانشايىمدى كۇش قولداندى، تۇرمىستىق زورلىق كورسەتتى دەپ ايىپتاعان. بۇل قىلمىسى ءۇشىن حانشايىم 15  جىلعا سوتتالۋى كەرەك ەدى. الايدا ول اباقتىدا نەبارى ءبىر ءتۇن وتكىزدى. كەلەسى كۇنى كەپىلگە 5 مىڭ دوللار اقشا بەرىپ، حانشايىم بوستاندىققا شىقتى.

1995 - جىلى تاق مۇراگەرى ماح ال- ءسۋدايريدىڭ ايەلى ەلدىڭ كوزىنشە قىزمەتشىسىنە قول كوتەرگەنى ءۇشىن تۇتقىنعا الىندى. ول ءۇي قىزمەتكەرىن 200 مىڭ دوللاردىڭ زاتىن ۇرلادى دەپ ايىپتاعان.

2006 -جىلى حانشايىم حانا ال- دجادەر ءىستى بولدى. ول قىزمەتشىلەرىن تاۋلىك بويى جۇمىس ىستەۋگە ماجبۇرلەپ، ايىنا نەبارى 300 دوللاردان تولەگەنى ءۇشىن ايىپتالدى. كۇڭ- ايەلدەر تاۋلىك بويى ءۇش شارۋاسىمەن اينالىسىپ، حانشايىمنىڭ مۇگەدەك كۇيەۋى مەن بالالارىنا قارايلاسقان. حانا ال- دجادەر ەكى جىلعا شارتتى تۇردە سوتتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى