استانادا سوتتى بولعان جيىرماعا جۋىق ادام كاسىپكەر اتاندى
بۇل تۋرالى استانا اكىمدىگىنىڭ مەديا ورتالىعىنا «وڭتايلاندىرۋ تەحنولوگيالارى مەن تۇجىرىمدامالارى» ق ق- نىڭ ديرەكتورى ورىنباسار قۇلجابايەۆا ءمالىم ەتتى.
ونىڭ ايتۋىنشا، قاڭتار- قازان ايلارىندا استانادا تۇرمەدەن بوساپ شىققان 1240 ازاماتقا كومەك كورسەتىلگەن. سوتتى بولعان ازاماتتار پسيحولوگيالىق، مەديتسينالىق كومەك الىپ، قۇقىقتىق قولداۋعا يە بولعان.
«اباقتىدان شىققان ازاماتتار ءۇشىن جۇمىسقا ورنالاسۋ سوتتىلىقتى وتەۋدىڭ ماڭىزدى سەبەپشىسى بولىپ تابىلادى. وسى ساناتتاعى ازاماتتارعا ارنالعان جۇمىس ورىندارىن اشۋ، ياعني كاسىپكەرلىك قىزمەتتى دامىتۋدىڭ دا ماڭىزى وتە زور»، - دەپ اتاپ ءوتتى و. قۇلجابايەۆا تاقىرىبىندا قالالىق جۇمىسپەن قامتۋ، ەڭبەك جانە الەۋمەتتىك باعدارلامالار باسقارماسىنىڭ قولداۋىمەن قور ۇيىمداستىرعان «باس بوستاندىعىنان ايىرۋ ورىندارىنان بوساپ شىققان ازاماتتارعا ارنالعان كاسىپكەرلىكتىڭ تۇراقتى دامۋى» كونفەرەنسياسىندا.
