ەلباسى نازاربايەۆ ۋنيۆەرسيتەتىنە قاتىستى ءازىل ايتتى

پرەزيدەنت قوستاناي وبلىسىندا Global Gas Group ديرەكتورىنىڭ استانانى گازبەن قامتۋ ماسەلەسى جونىندەگى ەسەبىن تىڭدادى.

«بيىلعى جىلى نازاربايەۆ ۋنيۆەرسيتەتىن، «عارىش ساپارى» عارىش ورتالىعىن، قامتاماسىز ەتەمىز»، - دەدى ولەگ گونچاروۆ ءسوز بارىسىندا.

«بۇل مەنىڭ ۋنيۆەرسيتەتىم ەمەس»، - دەدى ەلباسى كۇلىمدەگەن جۇزبەن.

«كەشىرىڭىز»، - دەدى ولەگ گونچاروۆ.

ەلباسى استانانى گازبەن قامتۋ ماسەلەسىنىڭ ماڭىزدى ەكەنىن اتاپ ءوتتى.

«ءبىز ءار ءتۇرلى جولداردى قاراستىرىپ كوردىك. توبىلدان گاز تارتۋ كەرەك پە، الدە وڭتۇستىكتەن بە، جەزقازعان مەن قوستاناي ارقىلى قىزىلوردادان تارتامىز با دەپ ويلادىق. مۇنىڭ ءبارى قاراستىرلىپ جاتىر»، - دەدى نازاربايەۆ.

اقوردا سايتىنىڭ مالىمەتىنشە، ەلباسى قوستانايداعى ويىن-ساۋىق ورتالىقتارىن، وتباسىلىق ساياباق، كينوتەترالار مەن مەيرامحانالاردى ارالاپ كوردى.

نازاربايەۆ ۋنيۆەرسيتەتى - ەلباسىنىڭ باستاماسىمەن اشىلعان استاناداعى جوعارعى وقۋ ورنى. اشىق دەرەك كوزىنە سۇيەنسەك، ەلباسى ۋنيۆەرسيتەتكە ءوز ەسىمىن بەرۋگە كەلىسىمىن بەرگەن. وقۋ ورداسى 2010 -جىلدان باستاپ ءبىلىم بەرە باستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى