بايدىبەكسپو ەسىمدى ءبۇلدىرشىننىڭ اتا-اناسى نە سەبەپتى ەرەكشە ەسىم تاڭداعاندارىن ءتۇسىندىردى - فوتو
ەرەكشە ەسىمگە يە بولعان نارەستە قىركۇيەكتە تۋعان. ەسىمىن ەكسپو-2017 كورمەسىمەن بايلانىستىرىپ قويعان ءسابي 16- قىركۇيەكتە تۋعان. بويى 57 س م، ال سالماعى 4 كەلىدەن اسىپ تۋعان، - دەپ جازدى ەۋرازيا ارناسىنداعى باستى جاڭالىقتار قىزمەتى.
ءاپ-ساتتە ەسىمى ەلگە تاراعان ءسابي ىرىسموۆتار وتباسىندا دۇنيەگە كەلگەن. 17 جىل بۇرىن وتاسقان جانۇيانىڭ بايدىبەكسپودان وزگە ەكى ۇلى بار. اكەسى مەيرامبەكتىڭ ايتۋىنشا، تۇڭعىشى اتا- اجەسىنە، ەكىنشىسى ناعاشىلارىنا جاقىن. ال بۇل پەرىشتە ناعىز ءوز بالامىز دەپ ازىلدەيدى.
«ءوزىمىز بايدىبەك بابامىز سياقتى ۇلى، تاريحي تۇلعا بولسىن دەپ. ءوزىمىز بايدىبەك اۋدانىنانبىز. اركىم ءوز بالاسىنا جاقسى كىسىلەردىڭ اتىن قويادى عوي جۇعىستى بولسىن دەپ. جانە مىنا ەلىمىزدە حالىقارالىق دارەجەدە ەكسپو ءوتتى. سوندىقتان، ەكسپو جىلىندا تۋىلدى. مىسالى مەنىڭ اكەمنىڭ اتى مەيرامبەك، مەن مەيرامبەك، ۇلىم التىنبەك، سوندىقتان بىزدە ءبارى بەك دەپ كەلە جاتىر. سوندىقتان، بۇل بايدىبەك، سپو دەگەن قوسىلدى»، - دەيدى بايدىبەكسپونىڭ اكەسى مەيرامبەك ىرسىموۆ.
وتاعاسى سونداي-اق، ۇلىنىڭ اتىن رۋحاني جاڭعىرۋ اياسىندا «تۋعان جەر» باعدارلاماسىنا سايكەس، ءوزى تۋعان اۋداننىڭ اتىن شىعارسام دەگەن نيەتپەن قويعاندىعىن ايتادى. بۇل ۇسىنىس سۇيگەن جارىنىڭ دا كوڭىلىنە قونا كەتكەن.
«ومىرگە كىرپىش بولىپ قالانسىن دەپ اباي اتامىز ايتقانداي، جاقسى ازامات بولسىن دەگەن نيەتپەن، وسىلاي قويدىق. كونە اتتى قازىرگى زاماناۋي اتقا بايلانىستىرىپ، بايدىبەكسپو دەپ»، - دەيدى بايدىبەكسپونىڭ اناسى لاۋرا توقسانبايەۆا.
وتباسى جاتاقحانانىڭ ءبىر بولمەسىن جالداپ تۇرادى. استاناعا جۋىردا عانا كوشىپ كەلگەندىكتەن، باسپانا ماسەلەسى باستى ورىندا. وسى ماقساتتا وتاناسى ەرتەرەك جۇمىسقا شىعۋدى جوسپارلاپ وتىر ەكەن. ال كىشكەنتايدىڭ ەندىگى كۇتىمى اجەسىندە.
«وسى بايدىبەكسپو ەكەۋمىز ەندى دوس بولامىز. وسىعان قارايمىن ەندى. ماماسى جۇمىسقا شىعادى»، - دەيدى اجەسى ايشا قاراجىگىتوۆا.
ەلىمىزدە تەك ايتۋلى وقيعالارمەن بايلانىستىرىپ قانا ەمەس، قيىن-قىستاۋ ساتتەرگە قاتىستى ەسىم قويىلعان بۇلدىرشىندەر دە بار. ماسەلەن، داعدارىس دەگەن. وسىعان قاتىستى ساياساتتانۋشى ايدوس سارىم مىناداي ءازىل- قالجىڭى ارالاس دۇنيە جازدى. ال شاريعات بويىنشا ات قويۋ تالاپتارىن ءدىني باسقارما وكىلدەرى بىلاي دەپ تۇسىندىرەدى.
«جاقسى ات تاڭداۋ، سول ات قويىلعان نارەستەنىڭ ومىرىنە، تاعدىرىنا تىكەلەي اسەر ەتەتىنى كەلتىرىلەدى. اسىرەسە، ات قويعان كەزدە باتىرلاردىڭ، دانا، دانىشپانداردىڭ ەسىمىن قويىپ جاتادى. مىسالى ءۇشىن، جاعىمسىز ات قويۋ سول بالانىڭ ومىرىندە مورالدىق تۇرعىدا توسقاۋىل بولۋى مۇمكىن. ءوز اتىنان ۇيالۋى مۇمكىن، قوعامدا ول بەلسەندى بولماۋى مۇمكىن»، - دەيدى ق م د ب ءمۇفتياتتىڭ ۋاعىز-ناسيحات ءبولىمىنىڭ باسشىسى ەرشات وڭعاروۆ.
دەگەنمەن، ات تاڭداۋدا ءار اتا-انانىڭ وزىندىك ەركى بار. بيىل 10 ايدا استانادا 26 مىڭعا جۋىق ءسابي دۇنيەگە كەلگەن ەكەن. ستاتيستيكا كورسەتكەندەي، قىزدار اراسىندا سوفيا، اميرا، كاۋسار جانە ەلدانا ەسىمدەرى ساندە ەكەن. ال ۇل بالالار اراسىندا ءاليحان، ايسۇلتان، الان، ارلان اتتارى باستى ورىنعا شىعىپ وتىر.
