گەرمانيا قۇجاتتارىندا «ءۇشىنشى جىنىس» توبى پايدا بولماق
بۇل تۋرالى رەسەي BBC قىزمەتى جازدى.
مۇنداي باستامانى ەۋروپا ەلدەرىنىڭ ىشىنەن العاش بولىپ گەرمانيا كوتەرىپ وتىر. ەندى اتالعان ەلدەگى ينتەرسەكسۋالدار وزدەرىن جۇرتقا ەركىن تانىستىرا الادى. بيولوگيالىق جىنىسىن تەستىنىڭ كومەگىمەن انىقتاي الماعان بويجەتكەن سوتقا شاعىمدانعان ەكەن. ينتەرسەكسۋالداردىڭ قۇقىعىن قورعايتىن بەلسەندىلەر مۇنى «كىشىگىرىم رەۆوليۋتسيا» دەپ باعالادى.
كارلسرۋەنىڭ كونستيتۋتسيالىق سوتى 2018 -جىلدىڭ سوڭىنا دەيىن قۇجاتتاردا تاعى دا ءبىر گەندەرلىك كاتەگوريانىڭ پايدا بولاتىنىن ايتتى. اتالعان جىنىس ءتۇرى قۇجاتتاردا «ينتەر» نەمەسە «وزگە» دەپ جازىلۋى مۇمكىن. بۇل جاڭالىقتى ەستىگەن بەلسەندىلەر الەۋمەتتىك جەلىدەگى پاراقشالارىندا وزدەرىنىڭ قاتتى تاڭقالىپ، ايتارعا ءسوز تابا الماي جاتقاندارىن جارىسا جازىپ جاتىر.
ب ۇ ۇ مالىمەتىنە سۇيەنسەك، جەر بەتىندەگى حالىقتىڭ %1,7 ى ينتەرسەكسۋالدار قاتارىنا جاتادى. ال ينتەرسەكسۋالدار دەگەنىمىز - بويلارىندا ايەلدەر مەن ەرلەرگە ءتان جىنىستىق بەلگىلەردى تۇيىستىرگەن ادامدار. ياعني ولاردىڭ جىنىسىن ءدال انىقتاۋ قيىن. ءدال وسى سەكىلدى قۇجاتتاعى وزگەرىستەر ا ق ش، اۋستراليا، ءۇندىستان، جاڭا زەلانديا جانە نەپالدا بار.
