ەركە ەسماحان «قايدا؟» كليپىنىڭ جالعاسىن ۇسىندى - ۆيدەو

ءبىر-اق كۇندە جەلىنى ءدۇر سىلكىندىرگەن كليپتى وسى ۋاقىت ارالىعىندا تاماشالاعاندار سانى 40 ميلليونعا جاقىندادى. ەركەگە عاشىق جىگىتتەردىڭ ءبىرازى «قايدا؟» انىنە جاۋاپ شىعارىپ، ءوزىن قايدان تابۋعا بولاتىنىن ايتتى. سونىمەن ەركە ومىرلىك سەرىگىن تاپتى ما؟ ونىڭ تاڭداۋى كىمگە ءتۇستى؟

Stan.kz بۇل سۇراقتىڭ جاۋابىن جاڭا بەينەباياننان ىزدەپ كورۋگە شاقىرادى.

ەركە ەسماحاننىڭ جاڭا ءانى «ك ز جىگىت» دەپ اتالادى. جاڭا تۋىندىدا ەركە ءوزى عاشىق جىگىتتىڭ وبرازىن سيپاتتايدى. ونىڭ مىندەتتى تۇردە ەرجۇرەك قازاق جىگىتى بولاتىنىن ايتادى.

الايدا قۋانۋعا اسىقپاڭىز! سەبەبى ەركە ءالى دە سۇيىكتىسىن تاپقان جوق. ەركە ونىڭ اتىن دا، جاسىن دا بىلمەيمىن دەپ اندەتتى.

ادەتتەگىدەي ەركەنىڭ شىعارماشىلىعا دەگەن تىڭدارماننىڭ قىزىعۋشىلىعى ەرەكشە. بۇلاي دەۋىمىزگە ءبىر سەبەپ - جاڭا كليپتى نەبارى ەكى ساعاتتا 60 مىڭعا جۋىق جان تاماشالاپ ۇلگەرگەن.

بۇل رەتتە تىڭدارماندار پىكىرى ەكىگە بولىنگەن. ءبىرى «ك ز جىگىتىنىڭ» «قايدا؟» سياقتى حيت بولاتىنىن ايتسا، ەكىنشىلەرى كەرەعار پىكىر ءبىلدىرىپ، ءسوز تالاستىرۋدا. ال ءسىز نە دەيسىز؟

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى