تەمىرتاۋدا پرەزيدەنت وليمپياداسى ءوتىپ جاتىر
ءداستۇر بويىنشا ينتەللەكتۋالدى كوپسايىس قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا وتەدى.
- تەمىرتاۋ - پرەزيدەنتىمىز نۇرسۇلتان نازاربايەۆتىڭ ەڭبەك جولى مەن ساياسي مانسابى باستالعان قالا، ال ق م ي ۋ - ەلباسى جوعارى ءبىلىم العان وقۋ ورنى. سوندىقتان ءبىز بالالاردىڭ مۇنى كورىپ-بىلگەنىن قالايمىز، - دەيدى ق ر ب ع م «دارىن» رەسپۋبليكالىق عىلىمي-تاجىريبەلىك ورتالىعىنىڭ ديرەكتورى شولپان قيرابايەۆا.
- وليمپيادانىڭ ءاربىر قاتىسۋشىسى ءوز ايماعىن - ونىڭ سالت-ءداستۇرى مەن كيەلى جەرلەرىن تانىستىرادى. پرەزيدەنت وليمپياداسىنا ەلىمىزدىڭ ءار تۇكپىرىنەن ۇزدىك 11-سىنىپ وقۋشىلارى، بارلىعى 160 ادام جينالدى.
وليمپيادا ەكى كەزەڭنەن تۇرادى: تەوريالىق جانە پراكتيكالىق. قاتىسۋشىلار ءتورت ءپان بويىنشا ەسەپتەردى شىعارادى: ماتەماتيكا، فيزيكا، حيميا جانە بيولوگيا.
ءادىلقازىلار القاسىن اكادەميك مۇحتارباي وتەلبايەۆ باسقارادى. ونىڭ قۇرامىنا ەلىمىزدەگى الدىڭعى قاتارلى ج و و وكىلدەرى ەندى. وليمپيادا ناتيجەلەرى 10- قاراشا كۇنى بەلگىلى بولادى. جەڭىمپازدار مەن جۇلدەگەرلەرگە رەسپۋبليكامىزدىڭ جوعارى وقۋ ورىندارىنا ءتۇسۋ كەزىندە ءبىلىم گرانتتارىن بولگەندە باسىمدىقتار بەرىلەدى.
