جەتىسۋلىقتار قازاق ەرتەگىلەرىنىڭ قۇندىلىقتارىن جاڭعىرتۋدا
ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا الماتى وبلىسىنىڭ ۇ ە ۇ كونسالتينگ ورتالىعى الەۋمەتتىك يدەيالار مەن جوبالار جارمەڭكەسىن ۇيىمداستىردى. جارمەڭكەدە ۇزدىك بولىپ «قۋىرشاق تەاترى» جوباسى تانىلدى. اتالمىش جوبا ۇمىت بولىپ بارا جاتقان قازاق ەرتەگىلەرىنىڭ قۇندىلىقتارىن جاڭعىرتۋ، جاڭارتۋ ماقساتىندا جۇزەگە اسىرىلۋدا. بۇل تۋرالى وڭىرلىك كوممۋنيكاتسيالار قىزمەتى الاڭىندا «مۇشەلتوي» بالالار مەن جاسوسپىرىمدەر كلۋبىنىڭ جەتەكشىسى قىدىربايەۆا دانيا مالىمدەدى.
«مۇشەلتوي» بالالار مەن جاسوسپىرىمدەر كلۋبى 2006 -جىلدان باستاپ جۇمىس ىستەپ كەلەدى. ونىڭ ماقساتى بالالاردىڭ بوس ۋاقىتىن ءتيىمدى ۇيىمداستىرۋ. قازىرگى تاڭدا قۋىرشاق تەاترىنىڭ قورجىنىندا 10-عا جۋىق ەرتەگىلەر بار. كلۋب جەتەكشىسىنىڭ ايتۋىنشا ءار قويىلاتىن قۋىرشاقتار قويىلىمىنا ەرەكشە دايىندىق پەن ىنتا كەرەك ەكەندىگىن باياندادى.
«ءبىزدىڭ كلۋب تەك قويىلىمدار قويۋمەن شەكتەلمەيدى. سونىمەن قاتار، قايىرىمدىلىق شارالارىمەن دە اينالىسادى. ماسەلەن، اپتاسىنا ءبىر رەت اۋرۋحاناداعى بالالاردىڭ حال- جاعدايىن ءبىلىپ، كوڭىلدەرىن ءتۇرلى قويىلىمدارمەن كوتەرىپ قايتامىز»، - دەدى جوبا جەتەكشىسى.
ايتا كەتەيىك، كونفەرەنتسيا سوڭى «الدار كوسە» ەرتەگىسىنىڭ قويىلىمىمەن جالعاستى.
