قاراعاندىلىق پوليتسەيلەر «قامقور انا» سايىسىن جاريالادى
تەك وسىنداي انا عانا بالاسىنا اۆتوكرەسلو الىپ، جاياۋ جۇرگەنىندە كۇرتەشەسىنە جارىق شاعىلىستىراتىن لەنتانى تىگىپ بەرۋ ارقىلى ونىڭ قاۋىپسىزدىگىن قامتاماسىز ەتەدى.
13-19- قاراشا ارالىعىندا ەل اۋماعىندا «جول قوزعالىسى قاۋىپسىزدىگىنىڭ اپتاسى» اتتى رەسپۋبليكالىق كەڭ اۋقىمدى شارا وتەدى. وسى اكسيا اياسىندا «قامقور انا» اتتى سايىسى ۇيىمداستىرىلماق.
بۇل كونكۋرس ارقىلى قاتىسۋشىلار جاس جاياۋ جۇرگىنشىلەردىڭ جولداعى قاۋىپسىزدىگى - انانىڭ قولىندا ەكەنىن كورسەتەتىن بولادى.
ارينە، انالارعا ەڭبەكتەنۋگە تۋرا كەلەدى، سەبەبى سايىس تالابىنا ساي بالالار كيىمىن نەمەسە قاۋىپسىزدىك زاتىن جاساۋدا مىندەتتى تۇردە جارىق شاعىلىستىراتىن ەلەمەنتتەر بولۋى كەرەك.
اتالمىش سايىس بالالاردى كولىكپەن تاسىمالداۋدا اۆتوكرەسلولاردى پايدالانۋعا جانە جارىق شاعىلىستىراتىن زاتتاردى قولدانۋ ارقىلى اتا-انالاردىڭ بالا ءومىرى مەن دەنساۋلىعىنا جاۋاپكەرشىلىكتەرىن ارتتىرۋعا باعىتتالعان. كونكۋرس تالاپتارىنا ساي سۋرەتتە انا مەن جارىق شاعىلىستىراتىن زات قولدانىلعان كيىم كيگەن بالا بولۋى ءتيىس.
سۋرەتتەر «سەلفي» فورماتىندا بولۋى كەرەك، ولاردى ءادىلقازىلار القاسى باعالايدى. جەڭىمپازداردىڭ سۋرەتتەرى جول قوزعالىسى قاۋىپسىزدىگىن ناسيحاتتاۋعا ارنالعان الەۋمەتتىك ناۋقانداردا قولدانىلادى.
