تالدىقورعاندىق دومبىراشىلار چەحيانى باعىندىرىپ قايتتى - فوتو

وسىمەن 10- مارتە ۇيىمداستىرىلعان بالالار مەن جاسوسپىرىمدەر اراسىنداعى فەستيۆالگە جەتىسۋدىڭ باس قالاسىنان 9 ونەرلى ورەن قاتىسقان بولاتىن، دەپ حابارلايدى قازاقپارات ءتىلشىسى.

جارىستا الەمنىڭ 15 ەلىنەن كەلگەن ەڭ ۇزدىك ءانشى، ءبيشى، كۇيشى بالالار باق سىناعان. تارتىسقا تولى باسەكە بىرنەشە كۇنگە جالعاسىپ، سوڭىندا ءادىلقازىلار دومبىراشىلارىمىزدىڭ ونەرىنە جوعارى باعاسىن بەردى.

«اتا تولعاۋ» جانە «كوشباسشى» كۇيلەرىن ورىنداعان «مۇراگەر» انسامبلى وسىلايشا قازاقتىڭ كۇي ونەرىن ەۋروپا تورىندە مويىنداتىپ قايتتى. سونىمەن قاتار، بىرنەشە كۇيشى جەكە ورىنداۋشىلىق باعىتى بويىنشا دا جۇلدەلى ورىندارعا قول جەتكىزدى.

ايتا كەتەيىك، دومبىراسىن ارقالاعان بالالار وقۋشىلار سارايىندا ءتالىم الادى. ولار "ەكسپو" كورمەسى اياسىندا وتكەن مۋزىكا سايىسىنا قاتىسىپ، چەحيا ەلىندەگى وسى بايقاۋعا جولداما العان ەدى. ەل نامىسىن قورعاپ، ابىرويمەن ورالعان ونەرلى شاكىرتتەردى قالا اكىمى قابىلداپ، تارتۋ-تارالعىسىن ۇسىندى. وقۋشىلاردى ەندى كەلەسى جىلى سانكت-پەتەربۋرگتە وتەتىن تاعى ءبىر ونەر دوداسى كۇتىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى