ۇلكەن الماتى اينالما جولىنىڭ قۇرىلىس مەرزىمى ايقىندالدى

 «بۇگىنگى تاڭدا تاراپتار كەلىسىمىنىڭ بارلىق نەگىزگى شارتتارى بويىنشا ءوزارا كەلىسىمگە قول جەتكىزدى جانە كەلىسسوزدەر اياقتالۋ كەزەڭىندە. كەلىسىم جاساسۋدى تەزدەتۋ ماقساتىندا مينيسترلىك، كونسورتسيۋم مەن ەۋروپالىق قايتا قۇرۋ جانە دامۋ بانكى اراسىندا ءوزارا تۇسىنىستىك تۋرالى مەموراندۋمعا قول قويىلدى. كونتسەسسيالىق كوميسسيانىڭ ساراپشىلار توبى كونسورتسيۋممەن، ە ق د ب، IFC جانە «KPPF» ج ش س بىرلەسىپ شارت جوباسىنىڭ تۇپكىلىكتى نۇسقاسىن پىسىقتاۋدا»، - دەپ اتاپ ءوتتى مينيستر ۇكىمەت وتىرىسىندا.

ونىڭ سوزىنە قاراعاندا، قازىرگى ۋاقىتتا كونسەسسيا سالاسىنداعى قولدانىستاعى زاڭناماعا تۇزەتۋلەر ەنگىزىلۋدە. كونسەسسيا شارتىن جاساۋ بيىلعى 5 - جەلتوقسانعا جوسپارلانۋدا.

بەلگىلى بولعانداي، اتالعان جوبانى ىسكە اسىرۋ 2018 -جىلدىڭ ءبىرىنشى توقسانىندا باستالماق. ايتا كەتەيىك، جولدىڭ قۇرىلىسىن 2021 -جىلى اياقتاۋ جوسپارلانىپ وتىر. ونىڭ قۇنى 512 ميلليارد تەڭگەگە باعالاندى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى