استانادا بيشىمبايەۆ ءىسى بويىنشا نەگىزگى سوت تالقىلاۋى باستالدى
تالقىلاۋ اشىق سوت وتىرىسى تارتىبىندە وتەدى. وندا اۋديو جانە بەينەجازبا جۇرگىزۋگە رۇقسات ەتىلگەن.
ەسكە سالا كەتسەك، 31- قازان كۇنى اتالعان ىسكە قاتىستى الدىن الا سوت تىڭدالىمى ءوتتى.
وندا بۇرىنعى ءمينيستردىڭ ءىسى بويىنشا كۇدىكتىلەر ءتىزىمى جاريالاندى. اتىشۋلى ءىس بويىنشا كۇدىكتىلەردىڭ باسىم بولىگى - «بايتەرەك» ا ق بۇرىنعى قىزمەتكەرلەرى.
ولاردىڭ اراسىندا «بايتەرەك» ا ق بۇرىنعى باسقارما ءتوراعاسى باقىت جاقسىبايەۆ، ونىڭ ورىنباسارى اسلان جاقىپوۆ، «بايتەرەك» ا ق دەپارتامەنتىنىڭ بۇرىنعى باسشىسى باۋىرجان ايتىمبەتوۆ، «بايتەرەك» ا ق ديرەكتسياسىنىڭ بۇرىنعى ديرەكتورى ءسادۋاقاس ساپارىمبەتوۆ جانە «بايتەرەك» ا ق باسقارۋشى ديرەكتورلارى بولىپ جۇمىس ىستەگەن دەلرۋح انارباي مەن عازيز ساريەۆ بار.
سونداي-اق، ءىس فيگۋرانتتارىنىڭ قاتارىن «Orda Glass» ج ش س بۇرىنعى باسقارما باسشىسى داۋرەن يبراشەۆ، «قۇرىلىس مەتالل كونسترۋكتسيالار زاۋىتى» ج ش س بۇرىنعى باس ديرەكتورى جاقسىلىق يسابەك، «شىمكەنت حيم مونتاج» بۇرىنعى باس ديرەكتورى بولعان مارات قوجابايەۆ جانە «قاز مۇناي گاز» بولىمشەلەرىنىڭ ءبىرىنىڭ باس ديرەكتورىنىڭ ورىنباسارى بولعان ەرلان ايتاليەۆ تولىقتىرادى.
ودان بولەك، ازيز اكراموۆ، قانات سماعۇلوۆ، باۋىرجان ەسمۇحانوۆ، ارمان قاماروۆ، ەرنار جۇمانازار، ءسابيت ۋتەباليەۆ، قايدار كوسشانوۆ، دانيار ولجابەكوۆ، ءۋاليحان جۇماباي، ءادىلجان اكراموۆ جانە نۇرلىبەك سۇلتان - بيشىمبايەۆ ءىسى بويىنشا كۇدىكتىلەر تىزىمىندە.
ەسكە سالا كەتسەك، 2017-جىلدىڭ 10- قاڭتارىندا سىبايلاس جەمقورلىققا قارسى ۇلتتىق بيۋرو بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ۇستالعانىن حابارلاعان بولاتىن.
ۇلتتىق بيۋرودان ءمالىم ەتكەندەي، ول ءبىرقاتار اداممەن الدىن الا كەلىسىپ، ءىرى كولەمدە بىرنەشە مارتە پارا الدى دەپ ايىپتالۋدا.
بيشىمبايەۆ قىزىلوردا قالاسىندا اينەك شىعاراتىن جانە وڭدەيتىن زاۋىت سالۋ بارىسىندا «Orda Glass» ج ش س- نىڭ ۆەدومستۆولىق باعىنىستاعى كومپانياسى مەن ونىڭ مەردىگەرلىك ۇيىمى «شىمكەنت حيم مونتاج» ج ش س ارقىلى 1 ميلليارد تەڭگە جىمقىرۋ قىلمىستىق سحەماسىن ۇيىمداستىردى دەگەن كۇدىككە ءىلىندى.
12- قاڭتار كۇنى استانا قالاسى الماتى اۋداندىق 2№ سوتى قۋاندىق بيشىمبايەۆقا قاتىستى ونى «قاماۋعا الۋ» تۋرالى سانكسيا بەردى.
تەرگەۋ نۇسقاسى بويىنشا، بيشىمبايەۆ زاڭسىز جولمەن العان اقشالاي قاراجاتتارىن جەكە قاجەتتىلىكتەرىنە جۇمساعان. قۋاندىق بيشىمبايەۆ پرەزيدەنتتىڭ جارلىعىمەن 2016-جىلدىڭ 28- جەلتوقسانىندا مينيستر قىزمەتىنەن بوساتىلدى. ول بۇل لاۋازىمدا سەگىز اي جۇمىس ىستەدى. 2013-جىلدىڭ 30- مامىرىنان 2016-جىلدىڭ 5- مامىرىنا دەيىن «بايتەرەك» ۇلتتىق باسقارۋ حولدينگى» ا ق- نىڭ باسقارما ءتوراعاسى بولدى.
