مينيستر قازاقستاننىڭ باسەكەگە قابىلەتتى ەلدەر رەيتينگىندە تومەندەگەنىن ايتىپ، دابىل قاقتى

بۇلۋ تۋرالى Sputnik حابارلايدى.

ونىڭ اقپاراتىنشا، بيىل بۇكىل الەمدىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسىندە «بيۋدجەت قاراجاتىن نەگىزسىز جۇمساۋ» (-13)، «مەملەكەتتىك شىعىنداردىڭ ىسىراپشىلدىعى» (-24)، «اۋديت جانە ەسەپتىلىك ستاندارتتارىن جەتىلدىرۋ» (-1) باعىتتارى بويىنشا قازاقستاننىڭ كورسەتكىشتەرى تومەندەگەن.

«ءبىزدىڭ ويىمىزشا، رەيتينگتىڭ تومەندەۋىنىڭ باستى سەبەبى - اۋديت ورگاندارىندا بولعان جەمقورلىق داۋلارى مەن قىزمەتتىڭ ۇيلەسىمسىزدىگى»، - دەيدى سۇلتانوۆ ماجىلىستە وتكەن ۇكىمەت ساعاتىندا.

ايتا كەتەيىك، ماۋسىم ايىنىڭ سوڭىندا سىبايلاس جەمقورلىققا قارسى ءىس-قيمىل ۇلتتىق بيۋروسى استانا ىشكى مەملەكەتتىك اۋديت دەپارتامەنتىنىڭ باسشىسىن پارا الىپ جاتقان جەرىنەن ۇستادى. شەنەۋنىك پارانى تەكسەرىس تۋرالى وڭ اكتى جاساۋ ءۇشىن سۇراعان.

ال وتكەن جىلدىڭ سوڭىندا مەملەكەتتىك اۋديتورلار پارا العانى ءۇشىن ۇستالعان بولاتىن.

بۇعان دەيىن حابارلانعانداي، قازاقستان Doing Business 2018 بيزنەس جۇرگىزۋ قولايلىلىعى رەيتينگىندە 36-ورىنعا تۇراقتادى (ال ءبىر جىل بۇرىن 35-ورىندا بولعان). قازاقستان «قۇرىلىسقا رۇقسات الۋ» بويىنشا 22-ورىننان بىردەن 52-ورىنعا تۇسسە، «نەسيە الۋ» پارامەترى بويىنشا قازىر الەمدە 77-ورىندا تۇر. ال وتكەن جىلى 75-ورىندا بولعان ەدى.

«حالىقارالىق ساۋدا» كورسەتكىشى بويىنشا 123-ورىنعا جايعاستى (بىلتىر - 119).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى