قازاقستاندا ۇلتتىق تابيعي پاركتەردىڭ اۋماعىنا كىرۋ اقىلى بولادى
دەپ حابارلايدى «قازاقپارات» ح ا ا ءتىلشىسى.
«سىزدەرگە ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ جاڭا جوباسىن تانىستىرعىم كەلەدى. سوڭعى ۋاقىتتا بىزگە ەرەكشە قورعالاتىن تابيعي اۋماقتار (ە ق ت ا) تۋرالى كوپتەگەن ۇسىنىستار كەلىپ ءتۇسىپ جاتىر. وسى سەبەپتى ىلە- الاتاۋ مەملەكەتتىك ۇلتتىق تابيعي پاركىندە ە ق ت ا ءۇشىن تولەنەتىن قىزمەتتەردى سيفرلاندىرۋ اياسىندا جاڭا پيلوتتىق جوبانى ەنگىزۋدى كوزدەپ وتىرمىز. ناقتىراق ايتقاندا، بۋتاكوۆسكيي باقىلاۋ- وتكىزۋ پۋنكتىندە ەرەكشە قورعالاتىن تابيعي اۋماقتى پايدالانعانى ءۇشىن كەلۋشىلەردەن اقى الاتىن ەكى تەرمينال ورناتۋ جوسپارلانىپ وتىر»، - دەلىنگەن حابارلامادا.
ساكەن دىلداحمەتتىڭ جازۋىنا قاراعاندا، ۇلتتىق تابيعي پارككە كىرەتىن جانە ودان شىعاتىن تۇستا ورنالاستىرىلعان شلاگباۋمداردىڭ ورنىنا اۆتوماتتى تۇردە اشىلاتىن جىلجىمالى شلاگباۋم، جاياۋ جۇرگىنشىلەر كىرەتىن كىرە بەرىسكە شتريح كودى بار اينالمالى قاقپا ورناتۋ كوزدەلۋدە.
«ۇلتتىق تابيعي پارككە كىرە بەرىستە جانە شىعا بەرىستە NFC بەلگىسى جانە ەسەپتەگىش شتريح- كودى بار باعاندار ورناتىلادى. باقىلاۋ- وتكىزۋ پۋنكتىندە اقىنى تولەۋگە بولاتىنداي تۇراق اۋماعىندا جانە جولاقىنى تولەۋ ءۇشىن ءوز- وزىنە قىزمەت كورسەتۋگە بولاتىن قۇرىلعى ورناتۋ جوسپارلانعان. ەگەر جوبا ءساتتى جۇزەگە اسىپ جاتقان جاعدايدا بۇل تاجىريبە وزگە دە ەرەكشە قورعالاتىن تابيعي ايماقتارعا ەنگىزىلەتىن بولادى»، - دەيدى ساكەن دىلداحمەت.
فوتو mytravelbook.org
اۆتور: ايان بەكەن ۇلى
