قايرات قوجامجاروۆتىڭ توراعالىعىمەن لاتىنعا كوشۋ ماسەلەسى تالقىلاندى
ءماجىلىس بارىسىندا ەلباسىنىڭ لاتىنعا كوشۋدىڭ قاجەتتىلىگى قازىرگى زامانعى تەحنولوگيالىق ورتانىڭ، كوممۋنيكاتسيانىڭ، عىلىمي جانە ءبىلىم بەرۋ پروتسەسىنىڭ ەرەكشەلىكتەرىنە بايلانىستى ەكەنى، بۇل جۇمىستىڭ تەرەڭ تاريحي لوگيكاسى بار ەكەندىگى ايتىلدى.
قازىرگى ۋاقىتتا، وسى الىپبيدە بارلىق ەسەپتەۋ جانە تەلەكوممۋنيكاتسيالىق جۇيەلەردىڭ 99,99 پايىزى نەگىزدەلگەن.
سوڭعى ونجىلدىقتا لاتىنشا عىلىمي ماقالالاردىڭ 75,2 پايىزى جاريالانعان.
«World Standards» جانە دۇنيەجۇزىلىك بانكتىڭ مالىمەتتەرىنە سايكەس قازىرگى ۋاقىتتا لاتىن ءالىپبيى 30 جوعارى دامىعان ەلدەردىڭ 25-دە قولدانىلادى.
مەملەكەت باسشىسى 26 - قازاندا ءتيىستى جارلىققا قول قويدى.
ونى جۇزەگە اسىرۋ ۇلتتىق كوميسسيا قۇرىلدى. ول ۋاكىلەتتى ورگاندار جانە عىلىمي- ادىستەمەلىك ورتالىقتارمەن دۇرىس جازۋ مەن ايتىلۋدىڭ جاڭا ەرەجەسىن، قازاق ءتىلىنىڭ لاتىن گرافيكاسىندا وقىتىلۋدىڭ ادىستەمەسىن ازىرلەيدى.
سول ارادا، قازىر اگەنتتىك پەن ونىڭ اۋماقتىق بولىمشەلەرىنىڭ قىزمەتكەرلەرى مەملەكەتتىك ءتىلدى لاتىن گرافيكاسىن قولدانۋمەن ۇيرەتۋگە كوشەدى.
وقىتۋدى پرەزيدەنت جانىنداعى مەملەكەتتىك باسقارۋ اكادەمياسى مەن ونىڭ فيليالدارىنداعى وقىتۋشىلار ارنايى ازىرلەنگەن باعدارلامالار بويىنشا جۇرگىزەدى. ولار ەكى اپتانى قامتيدى.
ءماجىلىس قورىتىندىسى بويىنشا قايرات قوجامجاروۆ گرامماتيكا ەرەجەلەرى بەكىتىلگەننەن كەيىن قازاقستاندىق مەملەكەتتىك قىزمەتتىڭ لاتىنعا كوشۋدىڭ جانە بارىنشا قامتۋ بويىنشا تاسىلدەمەلەردى پىسىقتاۋدى تاپسىردى.
