ميلليون ادام ۆاتساپ جەلىسىنىڭ جالعان قوسىمشاسىن جۇكتەگەن

بۇل باعدارلامانى جاڭالاۋ فۋنكسياسى قوسىلعان كەزدە بولعان، دەپ جازادى 9-كانال يزرايل.

الاياقتار Google Play قوسىمشالار دۇكەنىنە WhatsApp Inc. كومپانياسىنىڭ اتى كورسەتىلگەن Update WhatsApp Messenger دەگەن باعدارلامانى ەنگىزگەن. ولار بۇل ارەكەتكە وزدەرىنىڭ جارناماسىن قويۋ ءۇشىن بارعان.

قوسىمشانىڭ جالعان نۇسقاسىن جاساۋشىلار بارلىعى دا دۇرىس ىستەلگەن، تەك ءونىم يەسىنىڭ اتىندا كوزگە كورىنبەيتىن ەرەكشەلىك بولعان. ياعني، كومپانيانىڭ اتىمەن بىردەي بولىپ قالماس ءۇشىن ونداعى سوزدەر اراسىنداعى بوس ورىنعا ادەتتەگى پەرنەدەن وزگەشە يۋنيكود سيمۆولىن جازعان. Google روبوتى وسىعان الدانىپ قالىپ، ونى بۇرىننان بار كومپانيانىڭ اتى دەپ قابىلداپ، جالعان قوسىمشانى باعدارلامالار قويماسىنا تىركەپ جىبەرگەن.

پايدالانۋشىلار تاراپىنان شاعىم تۇسە بەرگەن سوڭ مەسسەندجەر Google Play-دەن ءوشىرىلدى.

ايتا كەتەيىك، 3 -قاراشادا WhatsApp قىزمەتىندە ءتۇرلى كەدەرگىلەر بولىپ، الەمنىڭ تۇكپىر- تۇكپىرىندەگى پايدالانۋشىلاردىڭ بارلىعى قوسىمشاعا كىرە الماي نەمەسە حابارلاما جىبەرە الماي شاعىمدانعان بولاتىن. بۇل تۋرالى حابارلاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى