عالىمدار اجىراسۋدىڭ نەگىزگى سەبەپتەرىن اتادى
جۇبايلارىنىڭ ءوزىن وزگەرتپەۋگە تىرىسپاۋى جانە قارىم-قاتىناستى ساقتاپ قالۋعا قۇلشىنىس بىلدىرمەۋى سالدارى كوپشىلىك جاعدايدا اجىراسۋعا الىپ كەلەدى.
ايەلدەر بىرگە ءومىر سۇرگەن جىلدار ىشىندەگى قارىم-قاتىناس قيىنشىلىقتارىنا توتەپ بەرە المايدى.
ولار ەر ادامدارعا قاراعاندا ەكى ەسە كوپ اجىراسۋعا ءوتىنىش بەرەدى. ميچيگان ۋنيۆەرسيتەتىنىڭ زەرتتەۋشىلەرى وسىنداي قورىتىندىعا كەلدى، دەپ جازدى Daily Mail.
اتالعان ۋنيۆەرسيتەت عالىمدارى 16 جىل بويى 355 ەرلى-زايىپتىنى زەرتتەگەن. ءار قايسىسىنان جىلدار بويى سۇحبات الىپ وتىرعان. ايەلدەردىڭ ەرلەرگە قاراعاندا شاعىمدارى كوپ بولعان.
كەيبىر جۇپتاردا ەرلەر قارىم-قاتىناسقا كوڭىلى تولمايتىنى تۋرالى مۇلدەم اۋىز اشپاعان، ال ولاردىڭ ايەلدەرى كەرسىنشە كوبىرەك كەيىس بىلدىرگەن.
عالىمدار بايقاعانداي، 16 جىلدىڭ ىشىندە زەرتتەۋگە قاتىسقان جۇپتاردىڭ 40 پروتسەنتى اجىراسقان.
