اتىراۋلىق وتباسىلار «جاس وتاۋ» باعدارلاماسى بويىنشا باسپانالى بولادى

«ءبىزدىڭ وبلىسىمىزدا «جاس وتاۋ» باعدارلاماسى جىل وتكەن سايىن جاندانىپ كەلەدى. 2015-جىلى وڭىردە اتالمىش باعدارلاما بويىنشا 90 پاتەر بەرىلگەن. ال بيىلعى جىلى 120 وتباسى باسپانالى بولدى. وسى ۋاقىتتا 100 پاتەرلى تاعى ءبىر تۇرعىن ءۇيدىڭ قۇرىلىسى ءجۇرىپ جاتىر»، - دەپ حابارلادى وڭىرلىك كوممۋنيكاتسيالار قىزمەتىندە اتىراۋ وبلىسىنىڭ جاستار ساياساتى ماسەلەلەرى جونىندەگى باسقارما جەتەكشىسى روللان قۇسپان.

مەملەكەتتىك باعدارلاما بويىنشا پاتەرلەردى تەك وبلىس ورتالىعىنداعى جاس وتباسىلار عانا ەمەس، اۋدان تۇرعىندارى دا الادى.

«قازىرگى تاڭدا اتىراۋدا 72 پاتەرلىك تۇرعىن ءۇيدىڭ، جىلىوي اۋدانىنىڭ ورتالىعىندا 100 پاتەرلى 5 قاباتتى ءۇيدىڭ، يندەر اۋدانىنىڭ ورتالىعىنداعى 50 پاتەرگە ارنالعان 5 قاباتتى ءۇيدىڭ، ماحامبەت اۋدانىننىڭ ورتالىعىندا 30 ۇشپاتەرلى ءۇيدىڭ جوبا-سمەتالىق قۇجاتتارى دايىندالۋدا»، - دەدى ر. قۇسپان.

وبلىستا «جاس وتاۋ» باعدارلاماسىنا قاتىسۋعا بارلىعى 2 مىڭعا جۋىق جاس وتباسى ءوتىنىش بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى