استانادا پوليتسيا قىزمەتكەرلەرى دۇكەنگە شاتىردان ەنگەن ۇرىنى ەسىك اۋزىنان كۇتىپ الدى - ۆيدەو
27 قازاندا تاڭعى 5 تەر شاماسىندا ءى ءى د جەدەل باسقارۋ ورتالىعىنىڭ بەينەباقىلاۋ ينسپەكتورى بوگەنباي باتىر داڭعىلى بويىندا ورنالاسقان دۇكەنگە بەلگىسىز بىرەۋدىڭ شاتىر ارقىلى ۇرلىققا تۇسكەنىن بايقاعان. وقيعا ورنىنا پوليتسيا شاقىرىلعان. ارتىنشا 36 جاستاعى ازامات ۇستالىپ، پوليتسيا بولىمىنە جەتكىزىلدى.
سونىمەن قاتار، 2 -قاراشا كۇنى تۇران داڭعىلى بويىنداعى اۆتوتۇراقتان بەلگىسىز بىرەۋلەردىڭ بوتەن ادامنىڭ مۇلكىن ۇرلاپ كەتكەنى جونىندە حابارلاما تۇسكەن. ج ب و بەينەباقىلاۋ ينسپەكتورلارى ۆيدەوجازبادان كۇدىكتى ازاماتتارعا ۇقسايتىن جاستاردى بايقاعان. پوليتسيا قىزمەتكەرلەرى كامەلەت جاسقا تولماعان 3 بالانى ۇستاپ، يۋۆەنالدى پوليتسيا بولىمىنە جەتكىزگەن. جاعدايدى انىقتاۋ ماقساتىندا جاسوسپىرىمدەردىڭ زاڭدى وكىلدەرى شاقىرىلعان.
استانالىق ءى ءى د جەرگىلىكتى پوليتسيا قىزمەتى 27 -قازاننان بەرى استانا ءى ءى د جەدەل باسقارۋ ورتالىعى بەينەباقىلاۋ كامەرالارىنىڭ كومەگىمەن 1631 اكىمشىلىك قۇقىق بۇزۋشىلىقتى انىقتاعان. ولاردىڭ قاتارىندا 70 تەن اسا ۇساق بۇزاقىلىق فاكتىسى، قوعامدىق ورىنداردا الكوگولدى ىشىمدىك ءىشۋ بويىنشا 178 فاكتى، قوعامدىق ورىنداردا جارماسۋ جونىندە 200 دەن استام فاكتى، جول ەرەجەسىن بۇزۋ جونىندە 513 فاكتى بار.
سونىمەن قاتار ج ب و بەينەباقىلاۋ كامەرالارىنىڭ كومەگىمەن 9 قىلمىستىق قۇقىق بۇزۋشىلىق انىقتالعان.
