كاسىپقوي بوكس: ا ق ش- تا مۇسا تۇرسىنعاليەۆتىڭ ايقاسى وتپەيتىن بولدى
ايقاس قازاقستاندىق بوكسشىنىڭ قارسىلاسى امەريكالىق دجەمۋر ەدۆاردستىڭ دەنساۋلىق جاعدايىنا بايلانىستى توقتاتىلعان. بۇل تۋرالى مۇسا ءوزىنىڭ ينستاگرامداعى پاراقشاسىندا جازدى.
«وكىنىشكە وراي، مەنىڭ ايقاسىم بولمايتىن بولدى. دارىگەرلەر سالماق ولشەۋ كەزىندە قارسىلاسىم دجەمۋر ەدۆاردستىڭ جۇدىرىقتاسۋىنا تىيىم سالدى. وعان رينگكە شىعۋ قاۋىپتى بولدى. بۇل كاسىپقوي بوكس، بارلىعى بولۋى مۇمكىن، ەگەر دارىگەرلەر ونىڭ رينگكە شىعۋىنا جول بەرسە، بارلىعى قايعىلى اياقتالاتىن ەدى. وسىلاي بولعانى ءۇشىن كەشىرىم سۇرايمىن! مەنى ءاردايىم قولداپ كەلە جاتقاندارىڭىزعا راحمەت ايتامىن! سىزدەرمەن بولىسەتىن جاقسى جاڭالىعىم بار. بارلىعى الدا، سارسەنبى كۇنى بىرنەشە ايقاس ءۇشىن مەكسيكاعا ۇشامىن. سوندىقتان، العا، قازاقستان!»، - دەدى بوكسشى.
