وڭتۇستىك قازاقستان جىگىتتەرىنىڭ سۇلتانى انىقتالدى - فوتو

وبلىستىق ادەت- عۇرىپ جانە سالت- ءداستۇر ورتالىعى ۇيىمداستىرعان شاراعا اۋدان-قالالاردان 14 ۇمىتكەر قاتىستى، دەپ حابارلايدى قازاقپارات ءتىلشىسى.

ەلباسى ن. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا ۇيىمداستىرىلعان بايقاۋدا سىرى مەن سىمباتى، بويى مەن ويى كەلىسكەن، سەگىز قىرلى ءبىر سىرلى، سايدىڭ تاسىنداي جىگىتتەر باعىن سىنادى. ۇمىتكەرلەر «شيراتۋ» كەزەڭىندە ءۇي شارۋاسىنا ەپتىلىكتەرىن سىناپ، جان- جاقتىلىعىن بايقاتتى.

كەيىن ءشامشى قالداياقوۆ اتىنداعى فيلارمونيادا سايىستىڭ ەكىنشى كەزەڭىنە قاتىستى. وندا سايىسقا بەل بۋىپ، تالاپتىڭ تۇلپارىنا ءمىنىپ كەلگەن جىگىتتەر 3 ءبولىم بويىنشا باقتارىن سىنادى.

قازىلار القاسى قۇرامىندا اقىن- سازگەر ءابدىقالىق ءابدىرايموۆ، «تۇركىستان» سارايىنىڭ ديرەكتور ورىنباسارى، كوكشەتاۋ قالاسىندا وتكەن رەسپۋبليكالىق «جىگىت سۇلتانى-1995» بايقاۋىنىڭ باس جۇلدەگەرى قۇرماش جىلقىباي مەن قولدانبالى ونەر شەبەرى مۇحتار اتاحان قازىلىق ەتتى.

بايقاۋ قورىتىندىسىمەن جەڭىمپازدار انىقتالىپ، ناتيجەسىندە ارىس اۋدانىنان كەلگەن ۇمىتكەر 3-ورىندى يەلەنسە، وتىرارلىق ەر ازامات 2- ورىندى جەڭىپ الدى. ال سارىاعاش اۋدانىنان كەلگەن قاتىسۋشى 1- ورىنعا لايىق دەپ تانىلسا، باس جۇلدە ورداباسى اۋدانىنان كەلگەن سەرى جىگىتكە بۇيىردى. بايقاۋدىڭ بارلىق قاتىسۋشىلارى مەن جۇلدەلى ورىن يەگەرلەرىنە ماراپاتتاۋلار مەن قارجىلاي سىيلىقتار تاپسىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى