استانا اۋەجايىنىڭ قىزمەتكەرى سيرەك كەزدەسەتىن قۇستاردىڭ كونترابانداسى ءۇشىن سوتتالدى
دەپ حابارلايدى «قازاقپارات» ح ا ا ءتىلشىسى استانا قالالىق سوتىنىڭ باسپا ءسوز قىزمەتىنە سىلتەمە جاساپ.
«2016 -جىلدىڭ قاراشاسىندا «استانا حالىقارالىق اۋەجايى» اق كەشەندىك اۋىسىمىنىڭ باسشىسى م. بەلگىسىز تۇلعامەن قىلمىستىق كەلىسىم جاساسىپ، استانا اۋەجايى ارقىلى بىرىككەن اراب امىرلىكتەرىنە سيرەك كەزدەسەتىن جانە جوعالىپ بارا جاتقان سۇڭقارلاردى كەدەندىك باقىلاۋدان جاسىرىن الىپ ءوتۋ ارقىلى ەكونوميكالىق كونتراباندا جاساعان»، - دەلىنگەن سوتتىڭ حابارلاماسىندا.
ەر ادام اۋەجايدىڭ عيماراتىندا بەلگىسىز تۇلعادان جىرتقىش قۇستار سالىنعان 4 سومكەنى الىپ، كەدەندىك باقىلاۋدان جاسىرىن الىپ ءوتىپ، سومكەنى «استانا- شارجا» باعىتىنداعى حالىقارالىق رەيستىڭ ۇشاعىنا جەتكىزۋ ءۇشىن جۇك تاسىمالداۋدى قامتاماسىز ەتۋ قىزمەتىنىڭ جۇك تاسۋشىسىنا تاپسىرادى. استانا قالاسى №2 ەسىل اۋداندىق سوتىنىڭ شەشىمىمەن اۋەجاي قىزمەتكەرى قر قك 339, 234-باپتارى بويىنشا كىنالى دەپ تانىلىپ، 1 جىل 6 ايعا باس بوستاندىعىنان ايىرىلدى. سوت ۇكىمى زاڭدى كۇشىنە ەنگەن جوق.
