قازاقستاندا ەڭ تومەنگى كۇنكورىس دەڭگەيى ءوستى
بۇل تۋرالى ق ر ۇلتتىق ەكونوميكا مينيسترلىگى ءمالىم ەتتى، دەپ حابارلايدى Baq.kz اقپارات اگەنتتىگى.
«حالىقتىڭ جان باسىنا شاققانداعى كۇنكورىستىڭ ەڭ تومەنگى دەڭگەيىنىڭ شاماسى 2017 -جىلعى قازاندا وتكەن ايمەن سالىستىرعاندا% 2,4، 2016 -جىلعى قازانمەن سالىستىرعاندا -% 9,7- عا جوعارىلادى. ونىڭ قۇرىلىمىندا ەت پەن بالىقتى ساتىپ الۋعا جۇمسالعان شىعىستاردىڭ ۇلەسى% 19,6، جەمىستەر مەن كوكونىستەر -% 15,8، ءسۇت، ماي جانە توڭ ماي ونىمدەرى مەن جۇمىرتقا -% 14,9، نان جانە جارما ونىمدەرى -% 7,5، قانت، شاي جانە دامدەۋىشتەر -% 2,2- دى قۇرادى» ، - دەپ جازىلعان حابارلامادا.
ەڭ تومەنگى كۇنكورىس دەڭگەيى - مولشەرى بويىنشا ەڭ تومەنگى تۇتىنۋ قورجىنىنىڭ قۇنىنا تەڭ، ءبىر ادامعا قاجەتتى ەڭ تومەنگى اقشالاي تابىس. ەڭ تومەنگى تۇتىنۋ قورجىنى ادام تىرشىلىگىن قامتاماسىز ەتۋگە قاجەتتى تاماق ونىمدەرىنىڭ، تاۋارلار مەن كورسەتىلەتىن قىزمەتتەردىڭ زاتتاي جانە قۇندىق كورىنىستەگى ەڭ تومەنگى جيىنتىعى بولىپ تابىلادى. ول ازىق- تۇلىك قورجىنىنان جانە ازىق- تۇلىك ەمەس تاۋارلار مەن اقىلى قىزمەتتەرگە جۇمسالاتىن شىعىستاردىڭ بەكىتىلگەن ۇلەسىنەن تۇرادى. كۇنكورىستىڭ ەڭ تومەنگى دەڭگەيىن ەسەپتەۋگە ارنالعان از تۇتىنىلاتىن ازىق- تۇلىك ەمەس تاۋارلار مەن كورسەتىلەتىن قىزمەتتەرگە جۇمسالاتىن شىعىستاردىڭ ۇلەسى ەڭ تومەنگى تۇتىنۋ قورجىنى قۇنىنىڭ 40 پايىزدىق مولشەرىندە بەلگىلەنگەن.
