ساكەن مايعازيەۆ ايەلدەرىن قۇرمەتتەمەي، ساراڭدىق تانىتاتىن ەرلەردى سىناپ تاستادى
Stan.kz تىلشىسىنە ەكسكليۋزيۆتى سۇحبات بەرگەن مۋزارتتىق ءانشىنىڭ بۇل تاقىرىپتى تىلگە تيەك ەتۋى دە تەگىن ەمەس بولىپ شىقتى.
«ايعايمەن، تاياقپەن ەشتەڭە بىتىرە المايسىڭ. سوندىقتان مەنىڭ جاستارعا بەرەتىن كەڭەسىم دە سول. مەن جىگىت ەكەنمىن، ايەلدەرىنە قاراپ «ءۇي كەلسەي، وتىرساي، تۇرساي، اناۋ- مىناۋ» دەگەن اڭگىمەلەردى قويۋ كەرەك. سودان كەيىن وتىرىستا قاتتى كوڭىل ءبولۋ كەرەك. جاستاردىڭ جىبەرەتىن قاتەلىگى سول. باسپالداقتان ءوزى ارەڭ ەتەگىن كوتەرە الماي كەلە جاتقان كەلىندەرىمىزدى كورەمىز. وزىنشە، قوقيلانىپ ايەلىندە جۇمىسى جوق، بىرنەشە مەتر الدىعا شىعىپ، كەتىپ بارا جاتادى. ەگەر قيىن كەزدە، قىرعا شىققاندا قاسىنان تابىلماساڭ نەسىنە ونىڭ ادال جارىمىن دەپ ەسەپتەيسىڭ» ، - دەيدى مۋزارت توبىنىڭ ءانشىسى.
سونداي- اق، ساكەن وتباسىلىق قۇندىلىقتى ساقتاۋدىڭ سىرى ايەل زاتىندا ەكەنىن ەركەكتەر قاۋىمى ەستەن شىعارماسا دەيدى. قايدا جۇرسە دە جانۇياسىن جادىندا ساقتايتىن مايعازيەۆ، اڭگىمەسى تاۋسىلعان جۇبايلاردى تالاي مارتە كورگەنىن ايتادى. سوندىقتان، شاڭىراعى شايقالىپ، كەلەڭسىز وقيعالاردىڭ ورنىن تولتىرۋ ءۇشىن، دەر كەزىندە ارەكەت جاساعانى ءجون دەپ وتىر.
«بەلدەن باسىپ، جۇرتقا جاريا قىلىپ، ايەلىنە قۇرمەتسىزدىك كورسەتەتىن دە ازاماتتار جوق ەمەس. سول سەبەپتى ايەل ازاماتشالاردى ايالى الاقاندا ۇستاپ، ەركەلەتۋىمىز كەرەك، بابىن تابۋىمىز كەرەك. قانشا ات ۇستىندە جۇرسەك تە وتباسىمىزدى ويىمىزدان تاستاماۋىمىز كەرەك» ، - دەيدى ساكەن مايعازيەۆ.
سۇحبات بارىسىندا اعىنان جارىلعان ساكەن، وتاعاسىن قۇرمەتتەۋدە ايەلدەر قاۋىمى دا كەنجە قالماسا دەيدى. سوندىقتان، ەرىن قولداعان ايەلدىڭ ەرتەڭگى بولاشاعى دا بۇلىڭعىر بولمايتىنىنا سەنىمدى.
«ايەل ادامنان ەر ازامات ءبىر ساتى جوعارى تۇرۋ كەرەك شارتتى تۇردە. قاي ۋاقىتتا ەر ازامات اشۋلانىپ كەلەدى، ول تۇزدە جۇرەدى. قانداي جاعداي بولماسىن ايەلدەر كۇلىپ قارسى السا، بارلىعى ءبىر سارا جولعا ءتۇسىپ كەتە بەرەدى دەپ ويلايمىن. قاتتى سابىرسىزدىق تانىتىپ كەتكەن كەزدەرىمىزدە ەر ازامات بولىپ، مىنەزگە باسقان كەزدەرىمىزدە ايەل ازاماتشالار مىسالعا ەرىنە مويىنسۇنۋ كەرەك. كەشىرە سالۋ كەرەك، تۇسىنە سالۋ كەرەك» ، - دەپ ساكەن ءسوزىن قورىتىندىلادى.
