قازاقستان قىرعىزستانمەن شەكارادا ە ا ە و ەكونوميكالىق مۇددەسى مەن قاۋىپسىزدىگىن قورعاۋدا - ساعىنتايەۆ

 بۇل تۋرالى ق ر پرەمەر- ءمينيسترى باقىتجان ساعىنتايەۆ تاشكەنتتە ت م د ۇكىمەت باسشىلارى كەڭەسىنىڭ وتىرىسىندا ءمالىم ەتتى.

 اتالعان جيىندا قازاقستان- قىرعىز شەكارا اۋماعىنداعى باقىلاۋ ماسەلەلەرى تالقىلانعان بولاتىن، دەپ حابارلايدى قازاقپارات.

 «قازاقستان ۇكىمەتى قىرعىز تاراپىنىڭ بەس پرينتسيپتى باعىت بويىنشا سىندارلى ۇستانىمىنا ءۇمىت ارتادى. بىرىنشىدەن، سالىقتىق اكىمشىلىكتەندىرۋ بويىنشا قىرعىز رەسپۋبليكاسى ۇلتتىق زاڭناما نورمالارىن ە ا ە و قۇقىعىمەن سايكەستەندىرۋى كەرەك. ەكىنشى: زاڭسىز ەكسپورتقا، ونىڭ ىشىندە كونترافاكتىلىك ونىمدەردىڭ ەكسپورتىنا قارسى ءىس- قيمىل»، - دەدى ق ر پرەمەر- ءمينيسترى باقىتجان ساعىنتايەۆ.

ۇكىمەت باسشىسى نازار اۋدارتقان ءۇشىنشى ماسەلە - ە ا ە و تالاپتارىن ساقتاۋ ءۇشىن قىرعىز تاراپىنىڭ تاۋارلاردى تۇراقتى جانە ءتيىمدى ۆەتەرينارلىق- سانيتارلىق جانە فيتوسانيتارلىق (كارانتيندىك) باقىلاۋمەن قامتاماسىز ەتۋى.

«ءتورتىنشى: قىرعىز تاراپى ەكونوميكالىق وداققا مۇشە ەلدەردىڭ كولىكتىك زاڭناماسىن بۇزۋدىڭ الدىن الۋ جانە ەسكەرتۋ بويىنشا شارا قابىلداۋى شارت. بەسىنشى: كونتراباندا مەن قازاق- قىرعىز شەكاراسى ارقىلى ەسىرتكى زاتتارىن، قارۋ- جاراق، وق- ءدارى جانە وزگە دە تىيىم سالىنعان زاتتاردى زاڭسىز تاسىمالداۋعا جول بەرمەۋ. وسىلايشا، ءبىز ءوزىمىزدىڭ ۇلتتىق مۇددەلەرىمىزدى عانا ەمەس، ە ا ە و كەڭىستىگىنىڭ ەكونوميكالىق مۇددەلەر مەن ەكونوميكالىق قاۋىپسىزدىگىن قورعاۋدامىز»، - دەپ تولىقتىردى پرەمەر ءوز ءسوزىن.

باقىتجان ساعىنتايەۆتىڭ ايتۋىنشا، قازاقستان مەن قىرعىز شەكاراسىندا ە ا ە و زاڭناماسىنىڭ نورمالارى مەن تالاپتارىنا تولىق سايكەس كەلەتىن تەكسەرۋ مەن باقىلاۋ رەتتىلىگى ورناعان.

«ءبىز ەكىجاقتى ەكونوميكالىق ىنتىماقتاستىق پەن شەكارالىق، كولىكتىك، فيتوسانيتارلىق جانە ۆەتەرينارلىق باقىلاۋ، كەدەندىك جانە سالىقتىق اكىمشىلىكتەندىرۋدەگى ءوزارا ارەكەتتەستىك ماسەلەلەرى بويىنشا سىندارلى ديالوگقا دايىنبىز. الداعى ۋاقىتتا دا قىرعىزستاندىق ارىپتەستەرگە ە ا ە و قۇقىعى مەن نورمالارىنا بەيىمدەلۋگە كومەك كورسەتۋگە ءازىرمىز»، - دەپ اتاپ ءوتتى باقىتجان ساعىنتايەۆ.

ەسكە سالا كەتسەك، بۇگىن تاشكەنتتە ءوتىپ جاتقان ت م د ۇكىمەت باسشىلارى كەڭەسىنىڭ كەڭەيتىلگەن وتىرىسىندا قىرعىزستان ۇكىمەتىنىڭ باسشىسى ساپار يساكوۆ كۇتپەگەن جەردەن قازاقستاننىڭ قىرعىزستانعا قاتىستى 2011 - جىلى 18 - قازانداعى ت م د ەركىن ساۋدا ايماعى تۋرالى شارتتى تولىق ورىنداماعانىن مالىمدەدى.

قازاقستان پرەمەر- ءمينيسترى باقىتجان ساعىنتايەۆ قىرعىز تاراپىنىڭ مالىمدەمەسىن ورىنسىز دەپ اتادى.

«اتالعان ماسەلە بويىنشا ءبىزدىڭ مەملەكەتتىك ۇستانىم بارشاعا ءمالىم. ول ەۋرازيالىق ەكونوميكالىق وداق ەلدەرىنىڭ ورتاق ەكونوميكالىق كەڭىستىگىن قۇرۋ يدەولوگياسىنا تولىق سايكەس كەلەدى جانە وداققا قاتىسۋشى- ەلدەردىڭ ەكونوميكالىق شىعىندارى مەن قاۋىپ- قاتەرلەرىن ازايتۋعا باعىتتالعان»، - دەپ اتاپ ءوتتى ق ر پرەمەر- ءمينيسترى.

- «ءبىز قىرعىزستان ۇكىمەتىن ەۋرازيالىق ەكونوميكالىق وداق اياسىنداعى ءوز مىندەتتەرىن راستاۋعا جانە قىرعىز رەسپۋبليكاسىنىڭ ءوز مىندەتتەمەلەرىن يمپلەمەنتاتسيالاۋعا شاقىرامىز. بۇل تاقىرىپتى ۇنەمى اشىق ايتىپ كەلەمىز جانە مالىمدەمەمىزدىڭ قىرعىزستاندىق ارىپتەستەرگە جەتكەنىن قالايمىز»، - دەدى ب. ساعىنتايەۆ.

سونداي- اق، پرەمەر- مينيستر قازاقستان ۇكىمەتىنىڭ قىرعىزستاندىق تاراپتىڭ سىندارلى ۇستانىمىنا ءۇمىت ارتاتىنىن اتاپ ءوتتى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى