قىسقى وليمپيادا ويىندارىنان «قازاقپارات» تىكەلەي اقپارات الاتىن جۇيەگە قوسىلدى
كەلىسىمگە سايكەس، «قازاقپارات» Yonhap اگەنتتىگىنىڭ PyeongChang News Service Network PNN - «پحەنچحان اقپاراتتار جەلىسى») جۇيەسىنە قوسىلاتىن بولادى.
توقتالا كەتەتىن جايت، 2018-جىلدىڭ اقپان-ناۋرىز ايلارىندا كورەيانىڭ پحەنچحان قالاسىندا قىسقى وليمپيادا جانە پاراليمپيادا ويىندارى وتەدى. ال Yonhap اگەنتتىگى PNN جۇيەسى ارقىلى الەمنىڭ اقپارات اگەنتتىكتەرىنە قىسقى وليمپيادا ويىندارىنان جاڭالىقتار، فوتوگرافيالار، بەينە-روليكتەر مەن اقپاراتتار تاراتاتىن بولادى.
وسىعان بايلانىستى «قازاقپارات» ح ا ا كەلىسىم اياسىندا وليمپيادا ويىندارى بارىسىنان قاجەتتى اقپارات ونىمدەرىن دەر كەزىندە الۋ مۇمكىندىگىنە يە بولىپ وتىر.
«قازاقپارات» پەن Yonhap اگەنتتكتەرى كەلىسىم جاساي وتىرىپ، PNN جەلىسىنىڭ قىسقى وليمپيادا ويىندارىنان حابار تاراتۋعا عانا ەمەس، مەملەكەتتەردىڭ ەكىجاقتى قارىم-قاتىناستارىن نىعايتۋعا دا سەپتىگىن تيگىزەتىنىن اتاپ ءوتتى.
بۇل رەتتە PNN جەلىسى وليمپيادا مەن پاراليمپيادا ويىندارى اياقتالعاننان كەيىن دە اقپارات الماسۋدىڭ پلاتفورماسى رەتىندە پايدالانىلماق.
ايتا كەتەيىك، كورەيانىڭ جەتەكشى اقپارات اگەنتتىگى Yonhap-تىڭ نەگىزى 1980-جىلى 19- جەلتوقساندا «حاپتون» جانە «تونيان» اگەنتتىكتەرىن بىرىكتىرۋ ناتيجەسىندە قالانعان بولاتىن.
