مەدەۋ كونكيمەن سىرعاناۋدى تەگىن ۇيرەتەدى

20 عا جۋىق تاجىريبەلى جاتتىقتىرۋشىلار كەز كەلگەن «مەدەۋ» قوناقتارىن ساعات 19:00 دەن 21:00 گە دەيىن اپتانىڭ ءار سەنبىسى نەمەسە جەكسەنبىسىندە تەگىن ۇيرەتەتىن بولادى. سونىمەن قاتار، قوناقتارعا جوبانى ۇيىمداستىرۋشىلار كوپتەگەن سىيلىقتار تابىستاپ، كونسەرتتىك باعدارلامالار وتكىزىلەتىنىن حابارلايدى.

 ايتا كەتەر جايت، بيلەتتەر مەن كونكيدى جالعا الۋ مەدەۋدەگى پرەيسكۋرانتكا سايكەس بەرىلەدى. بۇل كونكيمەن سىرعاناۋعا اقىسىز تۇردە ۇيرەتۋ ساباقتارى جەلتوقاساننىڭ 24 ىنە دەيىن جالعاسىپ، كەلەسى جىلدىڭ قاڭتارىندا قايتا ىسكە قوسىلادى.

 سپورتتىق شارانىڭ باستى ماقساتى قالاداعى بۇقارالىق سپورت تۇرلەرىن دامىتىپ، قالا تۇرعىندارى مەن قوناقتارىن سالاۋاتتى ءومىر سالتىن ءۇستانۋعا شاقىرتۋ بولىپ تابىلادى. اكسيا «سپورتتىك الماتى» باعدارلاماسىنا بيىلعى جىلدىڭ 25- اقپانىندا قوسىلعان بولاتىن.

«سپورتتىق الماتى» باعدارلاماسى قالاداعى بۇقارالىق سپورتتى دامىتۋ ماقساتىندا جۇزەگە اسىرىلعان.

دوسجان بالابەك ۇلى

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى