بەيبىت ىستىبايەۆ ۇلكەن سپورتتان كەتتى
بۇدان بىلاي جامبىلدىق بالۋان ءوز ءىزباسارلارىن دايىنداۋمەن اينالىسپاق. قازىر بەيبىت ىستىبايەۆ وڭىردەگى جەكپە-جەك سپورت كلۋبىنىڭ ديرەكتورى قىزمەتىنە تاعايىندالدى. بۇعان قوسا ۇلتتىق كۇرەسىمىزدى حالىقارالىق دەڭگەيدە تانىتىپ، ودان ءارى دامىتۋعا دا قولدان كەلگەنشە ءوز ۇلەسىن قوسپاق.
ماسەلەن، وسىدان بىرەر كۇن بۇرىن استانادا وتكەن الەم چەمپيوناتىندا ول ۇيىمداستىرۋ كوميتەتىنىڭ وكىلى اتانىپ، تورەلىكتىڭ ءادىل وتۋىنە جاۋاپتى بولدى.
«مەن سپورتتان كەتىپ، قازىر جۇمىسقا باردىم. جوسپار - بالۋاندار شىعارۋ، مىقتى-مىقتى، قازاقتىڭ كوك بايراعىن جەلبىرەتەتىن. ول ءاربىر قازاق ازاماتىنىڭ قولىنان كەلەدى. ءبىراق وياتۋ كەرەك سونى. قۇداي قالاسا، جۇمىس ىستەيمىز. كوپ سويلەمەي، از سويلەيتىن ادامبىز. سوندىقتان ناتيجەسى بولادى دەپ ويلايمىن»، - دەدى «قازاقستان بارىسى» ءتۋرنيرىنىڭ 3 دۇركىن جەڭىمپازى بەيبىت ىستىبايەۆ.
