وزبەكستان پرەزيدەنتى دونالد ترامپقا حات جولدادى
بۇل تۋرالى وزبەكستاننىڭ ءسىم رەسمي سايتىندا جاريالاندى، دەپ حابارلايدى Baq.kz.
«قۇرمەتتى امەريكا قۇراما شتاتتارىنىڭ پرەزيدەنتى دونالد دجون ترامپ! نيۋ- يورك قالاسىنداعى بەيبىت تۇرعىنداردىڭ ءومىرىن جالماعان تەرروريستىك اكتىگە بايلانىستى كوڭىل ايتامىن. مۇنداي اياۋسىز جانە اۋىر قىلمىس ءۇشىن ەشكىمدى اقتاپ شىعا المايمىز. ءبىز ەكسترەميزم جانە تەرروريزمنىڭ كەز كەلگەن ءتۇرىن قاتاڭ جازالايمىز.
بولعان وقيعا حالىقارالىق قاۋىمداستىقتىڭ بىرىگىپ ارەكەت ەتۋى كەرەكتىگىن تاعى دا راستايدى. وزبەكستان بۇل تەراكتىگە تەرگەپ- تەكسەرۋ ىسىنە كەز كەلگەن جاعدايدا ايانباي جاردەم بەرۋگە دايىن. قىلمىستىڭ اشىلۋىنا تولىق كومەك بەرەمىز.
جەكە ءوزىمنىڭ جانە بارشا وزبەكستان حالقىنىڭ اتىنان قازا بولعانداردىڭ تۋىستارى مەن جاقىندارىنا، سونداي- اق دوستاس امەريكا قۇراما شتاتتارىنىڭ حالقىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن» ، - دەلىنگەن جەدەلحاتتا.
ايتا كەتەيىك، كەشە وزبەكستاندىق ازامات نيۋ- يوركتە تەراكتى جاسادى.
