وليمپيادا الاۋى كورەيا رەسپۋبليكاسىنا جەتكىزىلدى

سالتاناتتى شارا الاۋ جەتكىزىلگەن ينچحون قالاسىنىڭ اۋەجايىندا وتەدى، دەپ حابارلايدى ت ا س س.

«ءبارىمىز ۇزاق كۇتكەن ءسات كەلدى. وليمپيادا الاۋى كورەياعا جەتتى، پحەنچحاندا وتەتىن 2018-جىلعى قىسقى وليمپيادا ويىندارىنا نەبارى ءجۇز كۇن قالدى. ءبىزدىڭ ارمانىمىز جۇزەگە استى»، - دەدى پحەنچحانداعى وليمپيادا ويىندارىنىڭ ۇيىمداستىرۋ كوميتەتىنىڭ باسشىسى لي حي بوم.

شامامەن 750 ادامنىڭ قاتىسۋىمەن وتەتىن ينچحون اۋەجايىنداعى شارا بارىسىندا بارلىق قاۋىپسىزدىك شارالارى قاراستىرىلعان. وعان ەلدىڭ پرەمەر-ءمينيسترى لي ناك ەن، مادەنيەت، سپورت جانە تۋريزم ءمينيسترى تو چون حۆان، سونداي-اق، 2010-جىلى مانەرلەپ سىرعاناۋدان وليمپيادا چەمپيونى اتانعان كيم ەن ا قاتىسادى.

ايتا كەتەيىك، 2018-جىلعى قىسقى وليمپيادا ويىندارى 9-25- اقپاندا، پاراليمپيادا - 9-18-ناۋرىز ارالىعىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى