استانا پروتسەسىنە قاتىسۋشىلاردىڭ سيرياداعى لاڭكەستەرمەن كۇرەسكە كوڭىلدەرى تولدى
قۇجاتتا تاراپتاردىڭ 2017-جىلدىڭ 4- مامىرىندا قابىلدانعان سيريادا دەەسكالاتسيا اۋماعىن قۇرۋ تۋرالى مەموراندۋمنىڭ قابىلدانعانىنا 6 اي ۋاقىت وتكەننەن كەيىنگى جاعدايعا قاناعاتتاناتىندىعى ايتىلعان.
ولار دەەسكالاتسيا اۋماعى قۇرىلعان ساتتەن باستاپ تەرروريزممەن كۇرەستە جانە دايش، دجابات ان-نۋسرانى، سونىمەن قاتار ءال-كايدامەن نەمەسە د ا ي ش- پەن بايلانىسى بار وزگە دە توپتاردى جويۋدا ىلگەرىلۋشىلىك بار ەكەندىگىن اتاپ ءوتتى.
بۇعان قوسا، كەپىلگەر ەلدەر ولارمەن دەەسكالاتسيا اۋماعىندا جانە ودان تىسقارى جەرلەردە كۇرەستى جالعاستىرۋ ءۇشىن قاجەتتى بارلىق شارالاردى قابىلداۋعا دايىن ەكەندىكتەرىن قۋاتتادى.
سونىمەن قاتار رەسەي، يران جانە تۇركيا كەزەكتى مارتە سيريالىق قاقتىعىستىڭ اسكەري شەشىمى جوق ەكەندىگىن جانە ب ۇ ۇ قاۋىپسىزدىك كەڭەسىنىڭ قارارىن ورىنداۋ نەگىزىندەگى ساياسي پروتسەسس بارىسىندا عانا رەتتەلۋى تيىستىگىن كەزەكتى مارتە ەسكە سالدى.
«ۇشىنشىدەن، كەپىلگەر ەلدەر ب ۇ ۇ قامقورلىعىمەن جەنيەۆا پروتسەسى اياسىندا رەسەيدىڭ ۇلتتىق ديالوگ كونگرەسىن شاقىرۋ تۋرالى ۇسىنىسىنا كەلىسەدى. رەسەيلىك تاراپ بۇل جايىندا كەپىلگەر ەلدەرگە اقپارات بەردى»، - دەدى بىرلەسكەن مالىمدەمەنى جاريا ەتكەن قازاقستان سىرتقى ىستەر ءمينيسترى.
اتالعان قۇجاتتا كەپىلگەر ەلدەر سيريا قاقتىعىسىن رەتتەۋ جونىندەگى 7-حالىقارالىق كەزدەسۋدى جوعارى دەڭگەيدە ۇيىمداستىرعانى ءۇشىن ق ر پرەزيدەنتى نۇرسۇلتان نازاربايەۆقا جانە قازاقستاندىق بيلىككە ريزاشىلىعىن بىلدىرگەن. كەزدەسۋ قورىتىندىسىندا تاراپتار سيريا قاقتىعىسىن رەتتەۋ جونىندەگى جوعارى دەڭگەيدەگى كەلەسى كەزدەسۋدى 2017-جىلدىڭ جەلتوقسان ايىنىڭ ورتاسىندا استانادا وتكىزۋ تۋرالى شەشىم قابىلدادى.
اۆتور: مارلان جيەمباي
