ۇشاقتىڭ ەسىگى تۇرعىن ءۇيدىڭ ۇستىنە قۇلادى
وقيعا دۇيسەنبى كۇنى ءۇندىستاننىڭ تەلانگانا شتاتىنداعى سەكۋندەراباد قالاسىندا بولدى. جەڭىل موتورلى جاتتىعۋ ۇشاعىنىڭ ەسىگى تۇرعىن ءۇيدىڭ تەرراساسىنا قۇلاعان.
Diamond DA42 ۇشاعى جەرگىلىكتى اۆياتسيا اكادەمياسىنا تيەسىلى. ۇشاق شامامەن 750 مەتر بيىكتىكتە وقۋ- جاتتىعۋ جۇمىستارىن ورىنداعان. كەنەتتەن بەلگىسىز ءبىر سەبەپتەرمەن ۇشاق شايقالىپ، ەسىگى جۇلىنعان. ەسىك ەكى قاباتتى ءۇيدىڭ تەرراساسىنا قۇلادى.
اۋە كەمەسى ءساتتى قوندى، ال ءۇيدىڭ تەرراساسىندا وقيعا كەزىندە ەشكىم بولماعان.
«قۇددى ءبىر نارسە جارىلعانداي بولدى، قورىققانىمىزدان دالاعا جۇگىرىپ شىقتىق. عيماراتتان شىققانىمىزدا، كورشىلەر ۇشاقتان ءبىر نارسە قۇلاپ تۇسكەنىن ايتتى» ، - دەيدى ءۇي يەسى گانەش ياداۆا.
Baq.kz
