ماڭعىستاۋدا ۇلگىلى اۋىل بايقاۋى ۇيىمداستىرىلدى
اۋىلدىق ەلدى مەكەندەردە ادام ءومىرى مەن دەنساۋلىعى ءۇشىن قولايلى ورتانى قالىپتاستىرۋ ماقساتىندا ماڭعىستاۋ وبلىسى اكىمدىگىنىڭ قولداۋىمەن وتكىزىلگەن بۇل كونكۋرسقا تۇرعىلىقتى حالىق سانى 3 مىڭنان اساتىن جانە 3 مىڭنان از اۋىلدار بولىپ ەكى توپقا بولىنە قاتىستى. اۋدان ىشىنەن ۇزدىك دەپ تانىلعان اۋىلدار وبلىستىق بايقاۋعا ۇسىنىلدى. ءار اۋىلدا تۇرعىندارعا قولايلى جاعداي جاساۋ ءۇشىن جاسىل ارحيتەكتۋرا جوسپارى جاسالىپ، كوگالداندىرۋ، اباتتاندىرۋ جۇمىستارى جوسپارلى تۇردە جۇرگىزىلۋدە. مىسالى، وڭىردەگى سۋ تاپشىلىعىنا قاراماستان تاۋشىق اۋىلىندا اۋماعى 3,2 گا ورتالىق ساياباققا 900 ءتۇپ اعاش وتىرعىزىپ، باپتاپ كەلەدى. سونداي- اق، كوشە بويىنا 672 ەلەكتر شامى ورناتىلىپ، تولىق جارىقتاندىرىلعان. ارنايى جاساقتالعان جۇمىس توبى بايقاۋعا ۇسىنىلعان 8 اۋىلدى ارالاپ، ولاردىڭ ەرەكشەلىكتەرى بويىنشا انىقتاما ازىرلەدى.
«ۇلگىلى اۋىل» وبلىستىق بايقاۋىن ساراپشى كوميسسيا تومەندەگىدەي قورتىندىلادى:
1. تۇرعىلىقتى حالىق سانى 3 مىڭنان اساتىن اۋىلدار اراسىنداعى بايقاۋ قورىتىندىسى بويىنشا: I ورىن - ءتۇپقاراعان اۋدانىنىڭ تاۋشىق اۋىلىنا 10,0 ميلليون تەڭگە سىياقى؛ II ورىن - قاراقيا اۋدانىنىڭ جەتىباي اۋىلىنا 7,5 ميلليون تەڭگە سىياقى؛ III ورىن - بەينەۋ اۋدانىنىڭ بورانقۇل اۋىلىنا 5,0 ميلليون تەڭگە سىياقى؛ ىنتالاندىرۋ سىيلىعى - مۇنايلى اۋدانىنىڭ داۋلەت اۋىلىنا 2,0 ميلليون تەڭگە سىياقى بەرىلدى.
2. تۇرعىلىقتى حالىق سانى 3 مىڭنان از اۋىلدار اراسىنداعى بايقاۋ قورىتىندىسى بويىنشا: I ورىن - ماڭعىستاۋ اۋدانىنىڭ ءۇشتاعان اۋىلىنا 10,0 ميلليون تەڭگە سىياقى؛ II ورىن - قاراقيا اۋدانىنىڭ سەنەك اۋىلىنا 7,5 ميلليون تەڭگە سىياقى؛ III ورىن - بەينەۋ اۋدانىنىڭ سارعا اۋىلىنا 5,0 ميلليون تەڭگە سىياقى؛ ىنتالاندىرۋ سىيلىعى - ءتۇپقاراعان اۋدانىنىڭ قىزىلوزەن اۋىلىنا 2,0 ميلليون تەڭگە سىياقى تابىستالدى. بايقاۋ شارتىنا سايكەس جەڭىمپاز اتانعان اۋىلدار سىياقىنىڭ% 80 ىن كوگالداندىرۋ، اباتتاندىرۋ جۇمىستارىنا جۇمساۋى ءتيىس. ال% 20 ىنان اسپايتىن مولشەردە اۋىل نىساندارىن كوگالداندىرۋ، اباتتاندىرۋ جانە سانيتارلىق تازالاۋ جۇمىستارىنا ۇلەس قوسقان زاڭدى جانە جەكە تۇلعالاردى ماراپاتتاۋعا ۇسىنىلدى. اتالمىش بايقاۋ جىل سايىن ءداستۇرلى تۇردە وتكىزىلەتىن بولادى.
