موڭعوليادان شىققان ساياحاتشىلار لوندونعا تۇيەمەن جەتەدى
تۇيە مىنگەن ساياحاتشىلار 12 مىڭ شاقىرىم جول جۇرەدى. موڭعوليا، گەرمانيا جانە ا ق ش ەلدەرىنىڭ 7 ساياحاتشىسىنان قۇرالعان كەرۋەن 5- قاراشا كۇنى تۋۋل وزەنىنىڭ جاعالاۋىنان جولعا شىعادى.
الدىن الا ەسەپتەۋلەرگە قاراعاندا ساياحاتتىڭ باسىنان اياعىنا دەيىن تولىق ءجۇرۋ ءۇشىن 3 جىلداي ۋاقىت كەتەدى.
اشىلۋ راسىمىندە كەرۋەنشىلەر توپ وكىلدەرىنىڭ بارلىعى دا الەمدى شارلاعان تاجىريبەلى ساياحاتشىلار ەكەنىن ايتتى.
كەرۋەنباسى ن. بايگالماانىڭ ايتۋىنشا، ساياحاتشىلار ۇلى جىبەك جولىنىڭ باعىتىمەن ءجۇرىپ، 15 ەلدىڭ اۋماعىنان وتەدى. ساياحاتتى ۇيىمداستىرۋداعى نەگىزگى ماقسات - موڭعول مادەنيەتىن الەمگە تانىتۋ، سونىڭ ىشىندە ەۋروپا ەلدەرىنە ناسيحاتتاۋ.
