ماڭعىستاۋ وبلىسىندا تۇيە جارىسى ءوتتى

جارىسقا 10 تۇيە قاتىستى. جەلمايالار اشىق دالادا 7 شاقىرىمعا جارىسۋى ءتيىس ەدى.

جانۋارلاردىڭ كوپشىلىگى جولعا شىداماي، جارىستان شىعىپ قالدى.

«تۇيەلەردى جارىسقا سۋىتۋ ءۇشىن كوپ ۋاقىت قاجەت، ءتىپتى بىرنەشە ايعا سوزىلۋى مۇمكىن. تۇيە - ات ەمەس، ولاردى جاتتىقتىرۋ قيىن، بوي بەرمەيدى. تۇيەلەردىڭ ەڭ جوعارى جىلدامدىعى ساعاتىنا 40 شاقىرىم اينالاسىندا بولادى. تۇيەلەردىڭ جارىسىندا كوپ نارسە جانۋاردىڭ جىلدامدىعى مەن توزىمىنە ەمەس، كوڭىل كۇيىنە بايلانىستى»، - دەيدى جەلمايا مىنگەندەر.

تۋرنيردە شەبىر اۋىلىنىڭ تۇرعىنى سۇلتانعالي كەنەبايەۆتىڭ تۇيەسى وزدى. جەلمايانىڭ يەسىنە 200 مىڭ تەڭگەنىڭ سىياقىسى بەرىلدى.

ۇيىمداستىرۋشىلاردىڭ ايتۋىنشا، بۇل تۋرنير كەلەر جىلى وتەتىن ۇلكەن جارىسقا دايىندىق كەزەڭى، وعان ساۋد ارابياسىنان دا «قوناقتار» كەلەدى. بۇل جايلى شەتەلدىكتەر جۋىردا ماڭعىستاۋ وبلىسىنا كەلگەن كەزدە كەلىسىم جاسالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى