روزا رىمبايەۆا جارما اۋدانىنىڭ «قۇرمەتتى ازاماتى» اتاندى

بيىل الپىسقا تولىپ وتىرعان ءانشى شىعىس قازاقستاندا باستاۋ العان «تۋعان جەر» باعدارلاماسى اياسىندا قالباتاۋ اۋىلىندا كونسەرتىن وتكىزدى.

ءانشى جەكە كونسەرتىن جەرلەستەرى ءۇشىن تەگىن وتكىزگەن. بۇكىل قازاقستاننىڭ ماقتانىشىنا اينالعان ءانشىنىڭ كونسەرتى كۇنى اۋداندىق مادەنيەت ۇيىنە ينە شانشار ورىن بولمادى. كونسەرت بارىسىندا جارما اۋدانىنىڭ اكىمى نۇرلان سىدىقوۆ روزا رىمبايەۆاعا العىسىن ءبىلدىرىپ، انشىگە «جارما اۋدانىنىڭ قۇرمەتتى ازاماتى» اتاعىن بەردى.

ءوز كەزەگىندە روزا قۋانىش قىزى تۋعان ەلىنە زور العىسىن ءبىلدىردى.

«مەن ءوزىم ءومىر ەسىگىن اشقان وڭىرگە كەلىپ، كونتسەت بەرگەنىمە شىن جۇرەكتەن قۋانىشتىمىن. مۇندا ءبارى وزگەرىپ كەتىپتى. تۋعان كۇنىمدى جەرلەستەرىمنىڭ ورتاسىندا تويلاپ جاتقانىم ءۇشىن باقىتتىمىن»، - دەيدى ءانشى.

ايتا كەتسەك، روزا رىمبايەۆا قازاق ەسترادا ءانشىسى، پروفەسسور ءارى اكتريسا، قازاقستاننىڭ حالىق ءارتىسى، مەملەكەتتىك سىيلىقتىڭ يەگەرى، بىرنەشە حالىقارالىق كونكۋرستاردىڭ لاۋرەاتى.

قۇرمەت جانە پاراسات وردەندەرىنىڭ يەگەرى. قىرعىزستاننىڭ (2000) جانە وزبەكستاننىڭ (1984) ەڭبەك سىڭىرگەن ءارتىسى. 1977-1979-جىلدارى «پەسنيا گودا» فەستيۆالىنىڭ اقتىق سايىسىندا جانە ك س ر و- نىڭ ەڭ ۇزدىك «زۆۋكوۆايا دوروجكا» حيت-پارادىندا (1978 ج. 3-ورىندا اللا پۋگاچيەۆا جانە سوفيا روتارۋدان كەيىن) جوعارى ورىننان كورىنىپ، ۇلكەن تانىمالدىلىققا يە بولعان.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى