اناڭىز ايتپاعان سىرلار
1. ءسىز ونى جىلاتتىڭىز.. . ول جۇرەگىنىڭ استىندا تاعى ءبىر ادام بالاسىنىڭ جۇرەگى سوعىپ جاتقانىن بىلگەن ساتتە جىلادى. سىزگە ءومىر سىيلاعاندا جىلادى. ءسىزدى العاش قولىنا العان كەزدە دە جىلادى. باقىتتان كوزىنە جاس الدى. اۋىرساڭىز، قورقىنىشتان كوز جاسى توگىلدى. ول ءسىزدىڭ بار اۋرۋىڭىزدىڭ، بار سەزىمدەرىڭىزدى سەزدى. ءسىز شە؟
2. ول ءبالىشتىڭ سوڭعى بولىگىن جەگىسى كەلدى.. . ءبىراق، سول بالىشكە ءسىزدىڭ قالاي قاراعىنىڭىزدى بايقادى دا، ونى جەۋدەن باس تارتتى. سەبەبى، ءسىز تويساڭىز، ول ءوزىن الدەقايدا باقىتتى سەزىنەتىنىن ۇقتى.
3. ول قورقادى.. . ءسىز ومىرگە كەلگەن ساتتەن باستاپ، ءسىزدى قورعاۋدىڭ جولىن ىزدەي باستادى. ءسىز كىشكەنتاي بولعان كەزدە، كورشىنىڭ كىشكەنتاي قىزى ءسىزدى قولىنا الماق بولعاندا قاتتى قورىققان. ءسىز العاش قادام جاساعان ساتتەن باستاپ ونىڭ جۇرەگىنىڭ سوعىسى ەكى ەسە ارتا ءتۇستى. ول ءسىز دالادان كەلگەنشە ۇيىقتامادى. ءسىز قۇلاساڭىز، ءسىزدى دەمەپ قالۋعا دايىن تۇردى.
4. ول ءوزىنىڭ ءمىنسىز ەمەس ەكەندىگىن بىلەدى.. . ول - ءوزىنىڭ ەڭ باستى سىنشىسى. ول ءوزىنىڭ كەمشىلىكتەرىن جاقسى بىلەدى، كەيدە سول ءۇشىن ءوزىن جازعىرادى. ءبىراق، سول كەمشىلىكتەردى ءسىز بايقاعان ءسات وعان بارىنەن دا اۋىر ءتيدى. ول ءسىز ءۇشىن ءمىنسىز انا بولۋعا ۇمتىلدى. ال، ءسىز بولساڭىز ونى جازعىردىڭىز. ءسىزدى تۇسىنبەگەنى ءۇشىن وعان كىنا ارتتىڭىز.
5. ول ءسىزدىڭ ۇيقىداعى بەينەڭىزگە كوز الماستان قاراعان.. .. ءسىز مازاسىزدانىپ ءتۇنى بويى كوز ىلمەگەن ساتتەرىڭىز بولعان. اناڭىز بولسا ءسىزدىڭ ۇيقىعا كەتۋىڭىزدى تىلەپ، قاسىڭىزدا ۇيقىلى- وياۋ بەسىك جىرىن ايتقان. ءسىز ۇيىقتاعان كەزدە، بۇل قيىندىقتان ءبارىن ۇمىتىپ، ءسىزدىڭ نۇرلى بەينەڭىزگە تامسانىپ، انا بولۋ باقىتىن ۇققان بولاتىن. ءسىزدىڭ ءتاتتى ۇيقىداعى بەينەڭىز وعان ماحابباتتى ۇقتىردى..
6. ءسىز - ول ءۇشىن اركەز ءبىرىنشى ورىنداسىز.. . ول ءارقاشان ءسىزدىڭ قىزىعۋشىلىعىڭىزدى ءبىرىنشى ورىنعا قويدى. ول سىزگە نازار اۋدارامىن دەپ ءبىر كۇنىڭ جوعالتۋى مۇمكىن. كەيدە وزىنە ۋاقىت قالمايتىن ساتتەر بولادى. ءبىراق، ول ەرتەڭىنە ادەتتەگىدەي بار ۋاقىتىن سىزگە ارنايدى.
7. ول بۇل سەزىمدەردى قايتا باسىنان كەشۋ مۇمكىندىگىنەن باس تارتپاس ەدى.. . انا بولۋ - ەڭ قيىن جۇمىس. ءسىز جىلايسىز، كەيدە اۋىراسىز، جۇمىس ىستەيسىز ءارى وقيسىز. ءومىر ۋنيۆەرسيتەتىنىڭ مامانى بولاسىز. ءبىراق، انا بولۋ - وسىنىڭ ءبارىن ءبىر ۋاقىتتا جاساپ، ۇزدىك ادام بولۋ. ءسىز ماحابباتتى سەزىنەسىز، ەشكىم بىلمەيتىن، سەزىنبەيىن، ايتىپ جەتكىزۋ مۇمكىن ەمەس سەزىمدەردى باستان كەشەسىز. ۇيقىسىز تۇندەرگە قاراماستان، انا بولۋ باقىتى قايتا بۇيىرسا، ەشقاشان باس تارتپاس ەدى. ويتكەنى، انالار عانا ناعىز باقىتتىڭ نە ەكەنىن جاقسى بىلەدى. سوندىقتان، كەلەسى جولى اناڭىزبەن قاۋىشقان ساتىڭىزدە وعان دەگەن بالا ماحابباتىڭىزدى كورسەتىڭىز. قامقور بولىڭىز، ەركەلەتىڭىز.
Massaget.kz
