قازاقستان مەن رەسەي وڭىرلەرى مەملەكەتارالىق قارىم- قاتىناستى دامىتۋدا ايرىقشا رولگە يە - بوجكو
دەپ حابارلايدى قازاقپارات.
«7600 شاقىرىمدى قۇرايتىن قازاقستان- رەسەي شەكاراسى پوستكەڭەستىك كەڭىستىكتە عانا ەمەس، سونىمەن بىرگە بۇكىل الەمدەگى ەڭ ۇزىن سانالادى. قازاقستاننىڭ 7 وبلىسى رەسەيدىڭ 12 وڭىرىمەن شەكتەسەدى. بۇعان قوسا، رەسەي فەدەراتسياسىنىڭ 85 سۋبەكتىسىنىڭ 76-سى قازاقستاندىق سەرىكتەستەرمەن تىكەلەي ساۋدا- ەكونوميكالىق بايلانىستاردى جولعا قويعان. بۇگىندە ءوڭىرارالىق ساۋداعا ەكىجاقتى تاۋار اينالىمىنىڭ شامامەن 70 پايىزى تيەسىلى»، - دەدى بوجكو.
ونىڭ ايتۋىنشا، ەكى ەلدىڭ مەملەكەت باسشىلارىنىڭ قاتىسۋىمەن قازاقستان- رەسەيدىڭ ءوڭىرارالىق ىنتىماقتىق فورۋمىن جىل سايىن وتكىزۋ دە جاقسى داستۇرگە اينالعان.
«قازاقستان مەن رەسەي وڭىرلەرى مەملەكەتارالىق قارىم- قاتىناستى دامىتۋدا بارلىق ۇدەمەلى رولگە يە دەسەك، اسىرا ايتقاندىق بولماس. وڭىرلىك دەڭگەيدەگى قازاقستان مەن رەسەيدىڭ ءوزارا ءىس- قيمىلىنداعى وزەكتى ماسەلەلەرگە ەكى ەل پرەزيدەنتتەرىنىڭ قاتىسۋىمەن 10 كۇننەن كەيىن، 9 - قاراشادا چەليابىدە وتەتىن ءوڭىرارالىق ىنتىماقتاستىقتىڭ 14- فورۋمى ارنالاتىن بولادى»، - دەدى ول.
اۆتور: مارلان جيەمباي
