اقىت ءۇلىمجى ۇلى شىعارمالارىنىڭ ءتۇپ نۇسقالارى جارىق كوردى - فوتو
ءىرى عۇلاما، ءدىني قايراتكەر، قازاق جازبا ادەبيەتى نەگىزىن قالاۋشىلاردىڭ ءبىرى، كورنەكتى اقىن اقىت ءۇلىمجى ۇلىنىڭ تۋعانىنا 150 جىل تولۋىنا وراي، اقىت جايلى زەرتتەۋلەر جانە وسىدان 120 جىلداي بۇرىن قازان قالاسىندا شاعاتاي الىپبيىندە جارىق كورگەن شىعارمالارىنىڭ ءتۇپ نۇسقالارى قامتىلعان تۇڭعىش كىتاپ جارىق كوردى.
موڭعوليا عىلىم اكادەمياسىنىڭ اعا عىلىمي قىزمەتكەرى، تاريح عىلىمدارىنىڭ دوكتورى (Sc.D)، پروفەسسور، حۋرمەتحان مۋحامادي ۇلىنىڭ كوپ جىلعى جيناقتاعان عىلىمي زەرتتەۋلەرىن ارنايى رەداكتورلاپ، تولىقتىرۋ ارقىلى وقىرمانعا ۇسىندىق.
اتالمىش كىتاپقا اقىت ءۇلىمجى ۇلى تۋرالى زەرتتەۋلەرمەن قاتار سوناۋ 1895-1910 ج. ج قازان قالاسى باسپاحانالارىندا جارىق كورگەن شىعارمالارىنىڭ ءتۇپ نۇسقالارى ەنگىزىلۋىمەن ەرەكشەلەندى.
عىلىمي نەگىزدە ساراپتالىنىپ، كەڭ كولەمدە زەرتتەلىپ جازىلعان عىلىمي ىزدەنىسكە وقىرمان ءوز باعاسىن بەرەدى دەپ سەنەمىز.
بۇل تۋرالى سەيتحان شىناربەك facebook-الەۋمەتتىك جەلىسىندە جاريالادى.
