اقمولا وبلىسىندا بۇركىتشىلەرى باسەكەسى ءوتىپ جاتىر

 كوك تاعىلارىنىڭ كوركەم سايىسىن ق ر ۇلتتىق سپورت تۇرلەرى قاۋىمداستىعى ۇيىمداستىرىپ وتىر. ق ر سپورت جانە دەنەشىنىقتىرۋ ىستەرى كوميتەتىنە قاراستى ۇلتتىق سپورت باسقارماسىنىڭ ساياتشىلىقتان باس جاتتىقتىرۋشىسى بازاربەك كۇنتۋعان ۇلىنىڭ ايتۋىنشا، 28-29 - قازان كۇندەرى وتەتىن تۋرنيردە وننان استام وبلىستان كەلگەن بۇركىتشىلەرى باق سىناسۋدا.

بۇركىتشىلەر اتاپ ايتقاندا، «قولعا قوندىرۋ»، «شىرعا سالۋ»، «قويان الۋ»، «تۇلكى الۋ» جانە «قاسقىر الۋ» تۇرلەرى بويىنشا ءوزارا باق سىناسادى. رەسپۋبليكالىق ءتۋرنيردىڭ العاشقى كۇنى سايىستىڭ 25 بۇركىتشى كوك تاعىلارىمەن «قولعا شاقىرۋ» جانە «شىرعا سالۋ» تۇرلەرى بويىنشا سىنعا تۇسۋدە. اۋقىمدى سايىستىڭ اشىلۋ سالتاناتىن ەرتەڭ وتكىزۋ جوسپارلانىپ وتىر.

ەسكە سالا كەتسەك، رەسپۋبليكالىق دەڭگەيدەگى بۇركىتشىلەر سايىسى قازاقستاندا بيىل وسىمەن بىرنەشە مارتە ۇيىمداستىرىلىپ وتىر. جىل باسىندا شىعىس قازاقستان وبلىسىنىڭ اياگوز اۋدانىندا قۇسبەگىلەر Ⅺ  رەت ۇيىمداستىرىلعان ەرەسەكتەر اراسىنداعى قازاقستان چەمپيوناتىنىڭ جۇلدەلەرىن ساراپقا سالعان بولاتىن. ونىڭ ىزىنشە الماتى وبلىسىندا 9-11 - اقپاندا سول ءوڭىردىڭ اتاقتى بۇركىتشىلەرى ابەنتوقتاسىن ۇلى مەن سەيىتجان بايجۇنىس ۇلىن ەسكە الۋعا ارنالعان رەسپۋبليكالىق تۋرنير، بۇدان كەيىن 17-19 - اقپاندا اتىراۋ وڭىرىندە «قانسونار-2017»، 21-23 - اقپاندا اقتاۋدا «سونار-2017» اتتى ساياتشىلاردىڭ رەسپۋبليكالىق جارىستارى ۇيىمداستىرىلعان ەدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى